Röskun á viðburðum vegna Covid takmarkana
Þrátt fyrir að þurfa að fresta tímabundið viðburðum (námskeiðum og stuðningshópum) þá verður starfsemi Ráðgjafarþjónustunnar óbreytt og áfram boðið upp á viðtöl, símaráðgjöf og fjarviðtöl allt eftir hvað hentar hverjum og einum best.
Okkur hjá Krabbameinsfélaginu þykir mjög miður að þurfa enn á ný að raska starfsemi Ráðgjafarþjónustunnar. Við leitum áfram allra leiða til að mæta þörfum ykkar og vonum að starfsemin komist sem fyrst aftur í sitt eðlilega horf.
Þjónustan er áfram opin alla virka daga kl.9:00-16:00 og boðið er upp á viðtöl á staðnum, símaráðgjöf og fjarviðtöl. Nauðsynlegt er að bóka viðtöl fyrirfram í gegnum radgjof@krabb.is eða í síma 800 4040.
Til að tryggja öryggi þeirra sem sækja til okkar viðburði og fræðslu höfum við ákveðið að fresta námskeiðinu og fundum stuðningshópa tímabundið. Hvetjum við alla sem skráðir eru á námskeið að fylgjast með tölvupósti og frekari upplýsingum á næstu dögum.
