Ása Sigríður Þórisdóttir 26. feb. 2020

Hreyfing skiptir máli

  • Karlahlaup 2020
    Undirbúningshlaupanámskeið á Mottumars 2020.

Karlahlaupið hentar öllum aldri, strákum jafnt sem heldri mönnum og afrekshlaupurum jafnt sem gangandi. Hvetjum alla til að skrá sig til þátttöku.

Í Mottumars í ár er athyglinni beint að gildi forvarna gegn krabbameinum, með sérstakri áherslu á gildi hreyfingar. Af því tilefni bauð Krabbameinsfélagið upp á tvö örnámskeið um hlaup, í samstarfi við hlaup.is. Ágætis þátttaka var á námskeiðunum sem féllu í góðan jarðveg hjá þátttakendum. Félagið vonar að með námskeiðunum hafi fræjum verið sáð til framtíðar og að þau verði hvatning til þátttakenda og fólks í kringum þá til að hreyfa sig reglulega. Heilsusamlegur lífsstíll er meðal þess sem getur dregið úr líkum á því að fólk fái krabbamein og hreyfing spilar þar stórt hlutverk.

Mottumars verður ýtt úr vör með Karlahlaupi, 5km hlaupi sem ræst verður frá Hörpu þann 1. mars nk. kl. 11. Hlaupið hentar körlum á öllum aldri, strákum jafnt sem heldri mönnum og afrekshlaupurum jafnt sem gangandi. Við hvetjum alla til að skrá sig til þátttöku. Frekari upplýsingar og skráningu er að finna hér.


Fleiri nýjar fréttir

8. maí 2024 : Málþing: Stöðluð greiningar- og meðferðarferli, allt frá því að grunur vaknar um krabbamein

Myndi innleiðing slíkra ferla hér á landi hjálpa til við að takast á við þær áskoranir sem fylgja krabbameinum í framtíðinni? 

Lesa meira

7. maí 2024 : „Kíkjugataaðgerð“ við lungnakrabbameini styttir legutíma um helming

Vísindasjóður Krabbameinsfélags Íslands styrkti rannsóknina. Árangur blaðnámsaðgerða með aðstoð brjóstholssjár við lungnakrabbameini. Niðurstöðurnar sýna að á ekki stærra sjúkrahúsi en Landspítala er hægt er að taka upp tæknilega flókna skurðaðgerð án þess að slegið sé af kröfum um öryggi. Þannig lifðu allir sjúklingarnir aðgerðina af en færri fylgikvillar og minni verkir styttu legutíma um helming. 

Lesa meira

24. apr. 2024 : Fundarboð: Aðal­fundur Krabba­meins­félagsins

Hér með er boðað til aðalfundar Krabbameinsfélagsins sem fer fram laugardaginn 25. maí kl. 13 í húsnæði félagsins að Skógarhlíð 8, Reykjavík.

Lesa meira

16. apr. 2024 : Krabba­meins­skráning á Íslandi í 70 ár - Afmælis­málþing

Í tilefni af 70 ára afmæli krabbameinsskráningar á Íslandi býður Krabbameinsfélagið til afmælismálþings.

Lesa meira

16. apr. 2024 : Með þínum stuðningi getum við gert svo ótal margt!

Krabbameinsfélagið þakkar öllum þeim fjölmörgu sem lögðu félaginu lið í Mottumars, árverkni- og fjáröflunarátaki félagsins, í ár. Við erum hrærð yfir þeirri velvild, samkennd og hlýju sem við fundum svo vel fyrir. Öll starfsemi félagsins er rekin fyrir sjálfsaflafé og því er stuðningur almennings og fyrirtækja forsenda fyrir starfinu.

Lesa meira

Var efnið hjálplegt?