Nýr framkvæmdarstjóri Krabbameinsfélags Íslands
Kristján Sturluson sviðsstjóri stjórnsýslusviðs Hafnarfjarðarbæjar hefur verið ráðinn framkvæmdastjóri Krabbameinsfélags Íslands og tekur hann við starfinu um áramót þegar tímabundinni ráðningu Kristjáns Oddssonar lýkur.
Kristján Sturluson er félagsráðgjafi og sálfræðingur og hefur einnig lokið MBA námi. Hann hefur undanfarin þrjú ár starfað sem sviðsstjóri stjórnsýslusviðs hjá Hafnarfjarðarbæ og verið staðgengill bæjarstjóra. Hann hefur starfað m.a. við kennslu og ráðgjöf, stefnumótun og mannauðsstjórnun. Hann var framkvæmdarstjóri Rauða kross Íslands frá 2005 til 2013 og skrifstofustjóri innanlandsdeildar Rauða krossins frá 1994 til 1999.