Nýr forseti Evrópsku krabbameinssamtakanna
Dr. Rui Medeiros hefur tekið við af Sakari Karjalainen og Elizabeth Hjorth var einróma kosin sem varaformaður.
Aðalfundur Evrópsku
krabbameinssamtakanna (ECL) fór fram um miðjan nóvember með talsvert öðruvísi sniði
en í venjulegu árferði. Var þar kosinn nýr forseti samtakanna en undanfarin
fimm ár hafa samtökin verið undir forystu Dr. Sakari Karjalainen frá Finnlandi.
Nýr forseti er Dr. Rui Medeiros, prófessor í meinafræðum og sameindameinafræðum
við Meinafræðistofnun Porto (IPO Porto). Elizabeth Hjorth, frá Krabbameinsfélagið
Danmerkur, var kosinn varaforseti en hún hefur verið í stjórn Evrópsku
krabbameinssamtakanna um fimm ára skeið. Rui Medeiros var þakklátur fyrir
kosninguna, samkvæmt tilkynningu frá samtökunum. „Ég þakka traustið sem
krabbameinsfélög um alla Evrópu hafa sýnt mér.“ Markmið Medeiros verða að halda
áfram vísindastarfi, forvörnum og fræðslu með það að markmiði að draga úr nýgengi
krabbameina og bæta lífsgæði þeirra sem greinast með krabbamein.
