Nýr formaður Krabbameinsfélagsins
-
Jakob Jóhannsson fráfarandi formaður og Sigrún Gunnarsdóttir nýkjörinn formaður.
Á aðalfundi Krabbameinsfégs Íslands um síðustu helgi var Sigrún Gunnarsdóttir hjúkrunarfræðingur kosin formaður félagsins í stað Jakobs Jóhannssonar læknis.
Jakob Jóhannsson hafði verið í stjórn í átta ár, þar af formaður síðustu þrjú árin. Elísabet Arna Helgadóttir læknir og Þorsteinn Pálsson lögfræðingur voru kosin í stjórnina í stað Sigurðar P. Sigmundssonar hagfræðings og Stefáns Eiríkssonar lögfræðings sem höfðu verið í mörg ár í stjórn en gáfu ekki kost á sér lengur. Jón Þorkelsson viðskiptafræðingur og Valgerður Sigurðardóttir læknir voru endurkjörin í stjórn. Fyrir í stjórninni, kosnir í fyrra til tveggja ára, eru Árni Einarsson uppeldisfræðingur og Friðrik Vagn Guðjónsson læknir. Í varastjórn voru kosin þau Guðjón Hauksson hjúkrunarfræðingur og Kristín Halldórsdóttir lífeindafræðingur.
Mynd: Jakob Jóhannsson fráfarandi formaður og Sigrún Gunnarsdóttir nýkjörinn formaður.
