,,Með von um bata" - málverkauppboð Ingvars Þórs Gylfasonar myndlistarmanns
Ingvar Þór Gylfason myndlistarmaður stendur fyrir verkefninu ,,Með von um bata" og styrkir Krabbameinsfélagið mánaðarlega allt árið 2017 með uppboði á einu málverki. Myndirnar eru 12 talsins og viðfangsefni þeirra allra er fuglar.
Myndasería Ingvars heitir ,,Von" enda er vonin það dýrmætasta sem við eigum þegar lífið tekur á að mati Ingvars. Myndirnar afhendast í hvítum flotramma og engar eftirprentanir verða gerðar af myndunum.
Uppboðið í ágúst er tvöfalt þar sem hæstbjóðandi síðasta mánaðar dró boð sitt tilbaka eftir að uppboði lauk svo ekki reyndist hægt að finna eiganda fyrir myndina í það skiptið. Svo boðnar verða upp tvær myndir í ágústmánuði eða þær Rjúpa 3 og Hrafn 16.
Áhugasamir eru hvattir til að kynna sér málverkauppboðið nánar á Facebook síðu Ingvars Þórs og Krabbameinsfélagsins .
