Guðmundur Pálsson 5. sep. 2023

Málþing í tilefni alþjóða­dags krabba­meins­rannsókna

Krabbameinsfélagið býður til málþings í tilefni alþjóðadags krabba­meins­rannsókna fimmtudaginn 21. september, í húsi Krabbameinsfélagsins, þar sem við ræðum vísindin á mannamáli.

Málþingið hefst kl.16:30 á 1. hæð. Í beinu framhaldi verður síðan boðið upp á léttar veitingar ásamt veggspjaldakynningum á 4. hæð kl.18:00.

Við vonum að allir sem tengjast krabbameinsrannsóknum á Íslandi og hafa áhuga á auknum árangri í baráttunni við krabbamein noti tækifærið og taki þátt í deginum með okkur. Krabbamein varða okkur öll og framfarir verða fyrst og fremst í gegnum vísindastarf.

Þátttaka er gjaldfrjáls og öllum opin en skráning er nauðsynleg. 

• Skráning á málþing
• Skráning í þátttöku í veggspjaldakynningu
• Málþingingu verður streymt í streymisveitu Krabbameinsfélagsins

Dagskrá:

• Bráðhress með fjórða stigs sortuæxli - Dr. Sigurbjörn Árni Arngrímsson, skólastjóri Framhaldsskólans á Laugum
• Vísindasjóður Krabbameinsfélagsins - Áfram veginn - Ragnheiður Haraldsdóttir, formaður stjórnar Vísindasjóðs Krabbameinsfélagsins
• Vísindafólk segir frá rannsóknum sínum - Valgerður Jakobína Hjaltalín og Jón Þórir Óskarsson
• Vísindi og rannsóknir í krabbameinsþjónustu á Landspítala frá sjónarhóli sérfræðings og notanda - Dr. Sigurdís Haraldsdóttir, dósent við læknadeild HÍ og yfirlæknir á Landspítala og Stefán Heiðar Brynjólfsson

Fundarstjóri: Hlíf Steingrímsdóttir, formaður Krabbameinsfélagsins.

Að loknum erindum flytjum við okkur upp á 4. hæð þar sem fjölbreyttar krabba­meins­rannsóknir verða kynntar á veggspjöldum og gestum bjóðast veitingar.

Alþjóðadagur krabbameinsrannsókna gefur okkur tækifæri til að fræðast um krabba­meins­rannsóknir og gleðjast yfir þeim framförum sem hafa átt sér stað fyrir tilstilli þeirra. Dagurinn er líka gott tækifæri til að undirstrika mikilvægi rannsóknanna, vísindamannanna sem stunda þær og styrktaraðila.