Leiðin fram á við - óskum eftir erindum um krabbameinsrannsóknir
Óskað er eftir erindum á málþing í tilefni alþjóðadags krabbameinsrannsókna. Erindin skulu vera 8-12 mínútur og æskilegt er að gefa gott yfirlit yfir sjúkdóminn eða stöðuna sem verið er að rannsaka (stöðu þekkingar) áður en farið er í niðurstöður eigin rannsókna.
Í tilefni alþjóðadags krabbameinsrannsókna bjóða Krabbameinsfélagið og Samtök um krabbameinsrannsóknir á Íslandi (SKÍ) til málþings miðvikudaginn 22. september kl. 18-20 í Veröld - húsi Vigdísar.
Á málþinginu verður sjónum beint að íslenskum rannsóknum sem varða leiðina fram á við í baráttunni gegn krabbameinum.
Óskað er eftir erindum á málþingið. Erindin skulu vera 8-12 mínútur og æskilegt er að gefa gott yfirlit yfir sjúkdóminn eða stöðuna sem verið er að rannsaka (stöðu þekkingar) áður en farið er í niðurstöður eigin rannsókna.
Með þessu móti skiptir ekki meginmáli hvort rannsóknir eru langt eða skemur komnar, alls konar rannsóknir eru velkomnar.
Sérstaklega eru vísindamenn sem hlotið hafa styrki úr Vísindasjóði Krabbameinsfélagsins hvattir til að skrá ágrip.
- Frestur til að skrá ágrip fyrir erindi er 13. september - skrá ágrip.
- Frestur til að skrá þátttöku er 21. september - skrá þátttöku.
Alþjóðadagur krabbameinsrannsókna gefur okkur árlegt tækifæri til að fræðast og skuldbinda okkur sem einstaklingar og samfélag til að styðja krabbameinsrannsóknir í orði og gjörðum. Dagurinn gefur okkur líka tækifæri til að gleðjast yfir þeim framförum sem hafa átt sér stað fyrir tilstilli krabbameinsrannsókna, vísindafólkinu sem starfar við þær og einstaklingana og sjóðina sem styrkja þær.