Jólastemmingin réði ríkjum
Óhætt er að segja að jólastemming og gleði hafi ráðið ríkjum í Skógarhlíðinni þegar rúmlega 50 konur komu á jólakransanámskeið Krabbameinsfélagsins, eins og sjá má á meðfylgjandi myndum.
Þær útbjuggu fallega jólakransa og gæddu sér á smákökum og súkkulaði með rjóma.
Námskeiðið var ætlað þeim sem greinst hafa með krabbamein og aðstandendum og var þátttakendum að kostnaðarlausu.
Krabbameinsfélagið þakkar þessum frábæru konum fyrir afar ánægjulega samverustund og vonar að allar hafi haft gaman af.
