Vinningstölurnar komnar í loftið – takk fyrir stuðninginn!
Dregið hefur verið Í jólahappdrætti Krabbameinsfélagsins. Happdrættið hefur verið mikilvæg tekjulind félagsins um áratugaskeið og stuðlað mjög að uppbyggingu þess og þróun.
Krabbameinsfélagið þakkar landsmönnum veittan stuðning. Handhafar vinningsmiða framvísi þeim á skrifstofu félagsins að Skógarhlíð 8, sími 540 1900 . Byrjað verður að greiða út vinninga þann 11. janúar næstkomandi.
Allt frá árinu 1955 hefur Krabbameinsfélagið staðið fyrir happdrætti sem hefur verið mikilvæg tekjulind félagsins og stuðlað mjög að uppbyggingu þess og þróun.
Fræðsla um krabbamein og krabbameinsvarnir, útgáfa fræðslurita, tóbaksvarnir, stuðningur við krabbameinssjúklinga og rannsóknir eru allt þættir í starfsemi félagsins sem byggjast á fjárhagsstuðningi við það.
Ár hvert greinast að meðaltali um 1.700 manns með krabbamein hér á landi. Lífslíkur krabbameinssjúklinga hafa aukist mjög mikið og er það þakkað forvörnum, betri skilningi á orsökum krabbameins, greiningu á fyrri stigum og markvissri meðferð. Nú eru tæplega 16.000 einstaklingar á lífi sem hafa fengið krabbamein. Þriðji hver Íslendingur fær krabbamein einhvern tíma á lífsleiðinni. Um fjórðung dauðsfalla á Íslandi má rekja til krabbameins.
