Heitur jóladrykkur með eplum og möndluflögum
Þennan ljúffenga, heita jóladrykk geta allir drukkið saman, ungir og aldnir. Ilmurinn, bragðið og ylurinn færir notalega jólaró og værð.
Þessi uppskrift birtist í fréttabréfi Kvennakórs Garðabæjar 2004. „Ég hef gert þetta á hverju ári síðan og er orðið hluti af jólaundirbúningi okkar" segir Sigrún Lillie forstöðumaður Ráðgjafarþjónustu Krabbameinsfélagsins. Ég geri venjulega tvöfaldan skammt og geymi kryddlög í ísskáp þar til ég ætla að bjóða upp á drykkinn þá blanda ég þessu í eplasafann og hita.
Uppskrift af Jólamjöð fyrir alla fjölskylduna
- 1 l eplasafi
Kryddlögur
- U.þ.b. 250 ml vatn
- 1 múskathneta (brotin í tvennt)
- 1 cm biti af engiferrót
- 1 kanilstöng
- 5 korn allrahanda
- 1 tsk ósteyttar kardimommur
Aðferð:
Allt sett í pott og látið malla í 20-30 mínútur. Kryddlögur síaður og blandaður saman við einn líter af eplasafa. Hita en ekki láta sjóða. Bæta eplabitum og möndluflögum út í pottinn.
