Frjáls félagasamtök gegna stóru hlutverki, líka í kófinu.
Almannaheillasamtök gegna stóru hlutverki í samfélaginu, og hlutverkið er líklega enn stærra en áður í Covid-faraldrinum.
Félögin hafa mörg hver breytt starfsemi sinni og aukið hana og sem dæmi um það má nefna samstarf Krabbameinsfélagsins, Heilbrigðisstofnunar Suðurnesja og Reykjanesbæjar sem felur meðal annars í sér að Krabbameinsfélagið býður íbúum á Suðurnesjum upp á ókeypis ráðgjöf tvisvar í mánuði í Ráðhúsinu í Reykjanesbæ. Starfsemi almannaheillafélaga hefur hins vegar líka orðið fyrir barðinu á kófinu og sum félaganna hafa orðið að draga úr starfsemi sinni eða fresta henni, misst sjálfboðaliða tímabundið, orðið af fjáröflunarmöguleikum og svo má lengi telja.
Aðstæður félaganna hafa lengi verið til umræðu á Alþingi án þess að hljóta afgreiðslu. Tillögur sérstakrar nefndar um skattabreytingar liggja fyrir en frumvarp til laga um almannaheillafélög hlaut ekki afgreiðslu á vorþingi en brýnt er að huga að lagalegri og skattalegri stöðu félaganna.
Jónas Guðmundsson, formaður Almannaheilla skrifar hér um málefni þriðja geirans í kófinu:
