Tafir á Mottumarssokkunum
Vegna Covid-heimsfaraldursins verða nokkrar tafir á afgreiðslu Mottumarssokkana, sem hafa notið svo mikilla og góðra vinsælda undanfarin ár. Vonandi verður þó ekki langt að bíða, sokkarnir eru á leiðinni.
Það er með ansi miklum trega að við hjá Krabbameinsfélaginu verðum að tilkynna seinkun á komu Mottumarssokka í ár. En vonandi verður biðin ekki löng. Ástæðurnar eru nokkuð kunnuglegar - en vegna heimsfaraldursins myndaðist röð tafa hjá flutningsaðilum. Við getum því miður ekki gefið upp fasta dagsetningu á komudegi eins og er. Augljóslega þykir okkur þetta afar leitt. En um leið er von okkar að fólk sýni þessum aðstæðum skilning.
Sala á Mottumarssokkum hefur verið fastur liður í árveknisátakinu sem hefur farið fram áslitið síðan árið 2010 og einn stærsti liðurinn í fjáröflun Krabbameinsfélagsins. Sokkarnir í ár eru með skemmtilegu sportlegu þema og ættu þeir að sóma sér vel í ræktinni eða jafnvel á tennisvellinum. Við erum afar ánægð með hönnunina, sem má sjá á meðfylgjandi myndum, og hlökkum mikið til að geta afgreitt sokkalistana sem Íslendingar hafa notið og brosað undanfarin ár – og um leið stutt við mikilvægt málefni.
Annars er Mottukeppnin í fullum gangi og nú eru um 250 keppendur skráðir til leiks og fjölgar þeim stöðugt. Við getum öll tekið þátt, beint og óbeint, skráð okkur til leiks eða einfaldlega stutt við keppendurna með áheitum.
