Mottumars málþing á Akureyri
-
Hjónin Ingimar Jónsson og Margrét Óladóttir deildu áhrifaríkri reynslusögu sinni af veikindum Ingimars.
Um 300 manns sóttu málþingið „Karlar og krabbamein“ í Menningarhúsinu Hofi á Akureyri í tengslum við Mottumars í mars 2019.
Krabbameinsfélag Akureyrar og nágrennis (KAON) stóð fyrir viðburðinum í samvinnu við Krabbameinsfélagið. Fjölbreytt erindi voru flutt á málþinginu og Geysir – Karlakór Akureyrar rammaði inn upphaf og endi með dúndrandi söng.
Meiri menn
Gestir nutu einnig ljósmyndasýningarinnar Meiri menn sem sett var upp á göngum Hofs. Sýningin byggir á persónulegum sögum átta karlmanna víðsvegar á landinu sem greinst hafa með ólíkar tegundir krabbameina og má einnig lesa um á karlaklefinn.is.
„Dagurinn var frábær og við erum ákaflega glöð með hvernig til tókst. Við erum full þakklætis til þeirra fjölmörgu sem lögðu okkur lið og auðvitað fyrir þennan stóra hóp sem hingað kom og naut dagskrárinnar með okkur,“ sagði Katrín Ösp Jónsdóttir, hjúkrunarfræðingur og ráðgjafi hjá KAON.
