Mottumars - Á bak við tjöldin
Það var mikið stuð hjá ljósmyndaranum Svenna Speight þegar 14 frábærir karlmenn mættu í heimsókn. Markmið þeirra var að vekja athygli á krabbameinum í körlum fyrir hið árlega Mottumars-átak.
Mottumars í ár hefur að mestu farið fram á samfélagsmiðlum en til að vekja athygli á þessu árlega styrktarátaki vegna krabbameina í körlum mættu 14 karlmenn í myndatöku þar sem hver og einn skartaði glæsilegu yfirvaraskeggi.
Allir gáfu þessir herramenn tíma sinn og vinnu - og það sama gildir um ljósmyndarann Svenna Speight. Kunnum við þeim bestu þakkir fyrir. Hér má síðan nálgast skemmtilegt myndskeið þar sem má sjá þessa frábæru menn gera sig klára og hafa smá gaman um leið. Áfram Mottumars, munið að styðja ykkar mann á mottumars.is !
