Búið að lesa 4.000 sýni
Endurskoðun sýna í kjölfar alvarlegs atviks á Leitarstöð sem tilkynnt var til landlæknis gengur vel.
Af þeim fjögur þúsund sýnum sem búið er að skoða þurfa 166 konur að koma í nýja sýnatöku.
Alls verða um 6.000 sýni endurskoðuð og miðar þeirri vinnu vel áfram. Búist er við að henni verði lokið um eða eftir miðjan október.
Krabbameinsfélagið mun birta uppfærðar tölur um endurtalningu sýnanna vikulega, hvern fimmtudag, þar til endurskoðun er lokið. Upplýsingarnar verða birtar með þessum hætti til að létta álagi af frumurannsóknarstofu Leitarstöðvarinnar.
Nýjar tölur verða birtar fimmtudaginn 1. október.
