Kynlíf og nánd eftir greiningu krabbameins
Erla Kolbrún Svavarsdóttir og Jóna Ingibjörg Jónsdóttir þróa meðferð fyrir konur með krabbamein og maka og meta áhrif á aðlögun tengda kynlífi og nánd.
Greining og meðferð krabbameins er fyrirséður álagsvaldur í sambandi við kynlíf og nánd og skortur er á rannsóknum um þetta efni. Tilgangur verkefnisins er að þróa og meta árangur meðferðar fyrir pör þar sem konan hefur greinst með krabbamein í því skyni að efla aðlögun tengda kynlífi og nánd.
Verkefni Erlu Kolbrúnar Svavarsdóttur hjúkrunarfræðings og prófessors, Þróun meðferðarsamræðna við konur með krabbamein og maka og áhrif samræðna á aðlögun tengda kynlífi og nánd, hlaut styrki úr Vísindasjóði Krabbameinsfélagsins árin 2017 og 2018, 2 milljónir króna hvort árið fyrir sig. Nú hafa 60 pör lokið meðferðinni.
Í myndbandinu er rætt við Jónu Ingibjörgu Jónsdóttur hjúkrunar- og kynfræðing sem vinnur að rannsókninni ásamt Erlu.
Niðurstöður rannsóknarinnar hafa verið birtar og má lesa um þær í þessum þremur greinum:
MYND/Kristinn Ingvarsson