Notist daglega
Endurnýjast sjálfkrafa
Geymist þar sem börn ná til

Forðumst reyk og tóbak

Reykingar valda flestum krabbameinum og dauðsföllum af þeirra völdum á heimsvísu. Þannig eru reykingar stór áhættuþáttur 15 mismunandi krabbameina og er lungnakrabbamein algengast. Óbeinar reykingar auka líka hættuna á lungnakrabbameini. Það er ekki til neitt sem heitir skaðlaus tóbaksnotkun – fyrir hvert skipti sem tóbak er notað eykst áhættan.

Ef þú vilt aðstoð við að hætta að reykja eða nota tóbak eða minnka notkunina getur þú hringt í Reyksímann í síma 800-6030 eða sent tölvupóst á netfangið 8006030@hsn.is.

Ekki er enn vitað hvort rafrettur séu krabbameinsvaldandi. Hins vegar hafa fundist tengsl milli notkunar rafretta og lungnasjúkdóma.

Nánari upplýsingar má finna hér:

Tobacco - National Cancer Institute

Tobacco and cancer - European Code against Cancer

Rygning - Kræftens Bekæmpelse

Fréttaumfjöllun RÚV um rafrettur

Var efnið hjálplegt?

Já Nei

Heilsamín getur komið í veg fyrir fjögur af hverjum tíu krabbameinum.

Heilsamín-pakkinn inniheldur ráðleggingar um lífsstíl sem minnkar líkur á krabbameinum auk þess að stuðla að góðri heilsu og vellíðan.

Saman mynda þessi ráð öﬂuga vörn sem getur dregið úr líkum á krabbameinum um 30–50%.

Heilsamín er þróað út frá ráðum evrópsku krabbameinsfélaganna og Alþjóðaheilbrigðismálastofnunarinnar til að minnka líkur á krabbameinum.

Heilsamín hentar ﬂestum. Mikilvægt er að viðhafa skynsemi við notkun Heilsamín. Ávallt skal fylgja einstaklingsmiðuðum leiðbeiningum læknis, heilbrigðisstarfsmanns eða sérfræðings séu þær aðrar en hér koma fram.

Frekari upplýsingar um fræðslu og forvarnir eru á www.krabb.is/forvarnir