• Krabbameinsskrá Krabbameinsfélagsins sérhæfir sig í skráningu, meðferð gagna, tölfræði og faraldsfræði krabbameina.

Umsóknir og úthlutun

Úthlutun ársins fór fram 28. maí 2021. Næst verður opnað fyrir umsóknir í febrúar 2022. Hér finna umsækjendur og styrkhafar fyrri ára eyðublöð fyrir umsóknir, framvindu- og lokaskýrslur, úthlutunarreglur og annað sem tengist umsóknum og úthlutun úr sjóðnum.

Tilgangur sjóðsins er að efla íslenskar rannsóknir á krabbameinum, meðal annars með því að styrkja með fjárframlögum rannsóknir á orsökum krabbameina, forvörnum, meðferð og lífsgæðum sjúklinga. Sérstaklega er tekið fram að sjóðurinn styrkir rannsóknir krabbameina í börnum og unglingum og aðhlynningu krabbameinssjúkra barna.

Umsóknarfrestur ársins var til og með 9. mars 2021. 

Opnað var fyrir umsóknir 10. febrúar 2021. Sjá auglýsingu.
Úthlutun ársins fór fram 28. maí 2021.

Leiðbeiningar: Fylla skal út styrkumsóknir, framvinduskýrslur og lokaskýrslur á viðeigandi eyðublöðum sem finna má sem Word-skjöl hér að neðan og skulu vistuð sem PDF-skjöl hjá hverjum og einum umsækjanda. Þau sendist síðan rafrænt til: visindasjodur@krabb.is

Umsækjendur eru hvattir til að kynna sér vel tilgang sjóðsins í skipulagsskrá Vísindasjóðs sem og úthlutunarreglur Vísindasjóðs. Umsóknir fara í gegnum ítarlegt matsferli sem lesa má um hér undir "Hvernig tryggjum við stuðning við bestu rannsóknirnar?". 

Eyðublöð fyrir umsóknir 2021:


Fyrirspurnum má koma á framfæri á netfangið visindasjodur@krabb.is.


Auglysing-2021