Síma­ráð­gjöf

Símtalið er gjaldfrjálst og hægt er að hafa samband óháð búsetu. Þú þarft ekki að segja til nafns og farið er með allar upplýsingar í samtalinu sem trúnaðarmál. 

Ráðgjafar veita upplýsingar, ráðgjöf, fræðslu og stuðning um allt sem viðkemur krabbameini og krabbameinsgreiningu, t.d. varðandi líkamleg og sálræn einkenni, félagsleg réttindi og þjónustu sem í boði er. Við erum tilbúin að hlusta og liðsinna þér.

Algengar ástæður þess að fólk nýtir sér símaráðgjöfina:

• Ég meðtók ekki allar upplýsingarnar sem ég fékk á spítalanum í dag.
• Ég finn fyrir depurð.
• Ég þarf að koma athugasemd á framfæri.
• Ég finn fyrir kvíða.
• Ég upplifi sorg.
• Ég finn fyrir vanlíðan eftir lyfjameðferðina/geislameðferðina.
• Ég hef áhyggjur af fjárhagnum.
• Ég er aðstandandi og þarf stuðning og ráðleggingar.
• Mig vantar upplýsingar um þjónustu, stuðning og réttindamál.
• Mig vantar ráðleggingar varðandi líkamleg einkenni og óþægindi.
• Ég þarf fræðslu um hvernig ég ræði við börnin mín um krabbamein.
• Ég fékk slæmar fréttir í dag og þarf tala við einhvern.
• Ég þarf ráðleggingar varðandi lyfin mín.
• Ég óttast að ég sé með krabbamein.
• Mig langar að vita hvað ég get gert til draga úr líkum á krabbameini.
• Ég þarf upplýsingar tengdar skimun vegna krabbameinssjúkdóma.