Opn­að hef­ur ver­ið fyr­ir um­sókn­ir úr Fram­fara­sjóði Krabba­meins­fé­lags­ins

Framfarasjóði Krabbameinsfélagsins er ætlað að styrkja verkefni sem bæta þjónustu við fólk með krabbamein og aðstandendur þess og efla forvarnir. Stofnfé sjóðsins eru 75 milljónir. Sérstök áhersla verður lögð á verkefni sem fela í sér framfarir, nýsköpun, þróun eða umbætur sem geta skilað varanlegum ávinningi fyrir einstaklinga, heilbrigðiskerfið eða samfélagið í heild.  

Nú er auglýst eftir umsóknum fyrir fyrstu úthlutun úr sjóðnum, sem verður í byrjun árs 2027. Umsóknarfrestur rennur út á miðnætti 20. desember nk. og eru umsækjendur hvattir til að kynna sér vel skipulagsskrá og úthlutunarreglur sjóðsins. 

Hægt er að sækja um á síðu sjóðsins, þar sem einnig má nálgast nánari upplýsingar. 

Allar umsóknir fá rýni fagráðs sem leggur mat á gæði umsókna og er stjórn sjóðsins til ráðgjafar við styrkveitingar samkvæmt úthlutunarreglum. 

• Umsókn um styrk úr Framfarasjóði.

Ætlað að styðja við nýsköpun og framfarir 

Krabbameinsfélagið hefur í gegnum tíðina átt frumkvæði að mörgum mikilvægum verkefnum sem þykja í dag vera sjálfsagður hluti af krabbameinsþjónustu. Góðar hugmyndir að slíkum framförum verða til víða í samfélaginu og er nýjum Framfarasjóði ætlað að vera sérstök hvatning til nýsköpunar.  

Framfarasjóður Krabbameinsfélagsins var settur á laggirnar í tilefni af 75 ára afmæli félagsins, og tekur stofnfé sjóðsins mið af því. Sjóðurinn er sambærilegur Vísindasjóði Krabbameinsfélagsins sem leggur áherslu á að styrkja krabbameinsrannsóknir, og hefur frá árinu 2017 úthlutað 774 milljónum króna til 67 rannsókna.