• Starfsfólk Ráðgjafarþjónustu Krabbameinsfélagsins (frá vinstri):  Sigrún Lillie Magnúsdóttir forstöðukona og hjúkrunarfræðingur ( sigrunli@krabb.is)  Auður E. Jóhannsdóttir hjúkrunarfræðingur ( audure

Um Ráðgjafar­þjónustuna

Í Ráðgjafarþjónustu Krabbameinsfélagsins er boðið upp á fræðslu, upplýsingar, ráðgjöf og stuðning við fólk sem hefur greinst með krabbamein og aðstandendur.

Við erum til staðar þegar á þarf að halda. Markmið okkar er að aðstoða fólk við að ná jafnvægi við breyttar aðstæður í lífinu, veita stuðning og nauðsynlegar upplýsingar. Hjá okkur fá þeir sem greinst hafa með krabbamein og aðstandendur ráðgjöf og fræðslu um einkenni, félagsleg réttindi og þá þjónustu sem í boði er.

Í boði eru meðal annars:

  • Fjölbreytt námskeið
  • Símaráðgjöf
  • Viðtöl
  • Hádegisfyrirlestrar
  • Sálfræðiþjónusta
  • Fræðslufundir
  • Djúpslökun
  • Hugleiðsla og jóga
  • Öndunaræfingar
  • Réttindaráðgjöf

https://youtu.be/R5nSWSVS4y0
Myndband um starfsemi Ráðgjafarþjónustunnar

Hjá Ráðgjafarþjónustunni starfa hjúkrunarfræðingar, félagsráðgjafi og sálfræðingur. Auk þess eru starfandi ellefu stuðningshópar fyrir fólk sem hefur greinst með krabbamein og aðstandendur. Þjónustan er öllum að kostnaðarlausu, fyrir utan einstaka námskeið.

Markmið Ráðgjafarþjónustunnar er að aðstoða fólk við að ná jafnvægi í lífinu eftir þær breyttu aðstæður sem greining krabbameins veldur. Hjá Ráðgjafarþjónustunni er boðið upp á fræðslu, viðtöl, faglega ráðgjöf, djúpslökun, ýmis námskeið og hagnýtar upplýsingar um réttindi fólks með krabbamein.

Ráðgjafarþjónustan er öllum opin og hægt er að koma án þess að gera boð á undan sér. Hægt er að hafa samband við starfsmenn Ráðgjafarþjónustu Krabbameinsfélagsins í tölvupósti á netfangið radgjof@krabb.is eða í síma 800 4040 alla virka daga.

Ráðgjafarþjónustan er á fyrstu hæð í húsi Krabbameinsfélagsins að Skógarhlíð 8. Húsnæðið er heimilislegt og þar er hægt að setjast niður og fá sér hressingu.

Opnunartímar:

Frá 9. júlí til og með 3. ágúst er Ráðgjafarþjónustan opin alla virka daga kl. 10:00-14:00.

Símaráðgjöf: Hægt er að hringja í síma 800 4040 á opnunartíma. Hægt er að senda fyrirspurnir á radgjof@krabb.is og er þeim svarað eins fljótt og hægt er.

Hefðbundin starfsemi hefst aftur þann 7. ágúst.


Var efnið hjálplegt?