Aðgangur að eigin persónuupplýsingum
Samkvæmt gildandi persónuverndarlöggjöf frá 2018 eiga einstaklingar rétt á að fá upplýsingar um þær persónuupplýsingar sem finnast um þá í Krabbameinsskrá Íslands sem og það hvernig þær eru notaðar.
Til að nálgast eigin persónuupplýsingar þarf að fylla út eyðublað sem finna má á heimasíðu Embættis Landlæknis hér, undir flipanum persónuvernd. Viðkomandi þarf að framvísa persónuskilríkjum sem gefin eru út af opinberum aðilum þegar beiðnin er lögð inn hjá Embætti Landlæknis í eigin persónu.
Í framhaldinu verður haft samband við viðkomandi varðandi frekara fyrirkomulag á miðlun upplýsinganna. Leitast er við að afhenda gögn innan 30 daga frá móttöku beiðninnar.
Þessar ráðstafanir eru nauðsynlegar þar sem Krabbameinsskráin vinnur með viðkvæmar persónuupplýsingar sem tryggja verður að aðeins séu afhentar þeim sem þær varða.