Langvinnar og síðbúnar aukaverkanir
Langvinnar og síðbúnar aukaverkanir
Margir glíma við einhvers konar langvinnar eða síðbúnar aukaverkanir sem ýmist eiga rót sína að rekja til meðferðarinnar eða krabbameinsins sjálfs en samkvæmt erlendum rannsóknum búa um 50-60% lifenda við slíkar aukaverkanir.
Áhrif á lífsgæði og líðan fólks
Aukaverkanir geta verið til staðar löngu eftir meðferðarlok (langvinnar) eða gert fyrst vart við sig mánuðum eða jafnvel árum síðar (síðbúnar). Langvinnar og síðbúnar aukaverkanir geta haft áhrif á lífsgæði og líðan fólks og verið áskorun bæði fyrir einstaklinginn sjálfan og aðstandendur en það eru til leiðir til að draga úr áhrifum flestra þeirra.
Helstu langvinnar og síðbúnar aukaverkanir
Langvinnar og síðbúnar aukaverkanir eru af ýmsu tagi og geta haft áhrif á líkamlega, andlega og félagslega heilsu. Hér er listi og nánari upplýsingar um þær helstu.
Óalgengar en alvarlegar síðbúnar aukaverkanir
Ráðgjöf og stuðningur þér að kostnaðarlausu
Þjónusta félagsráðgjafa, hjúkrunarfræðinga og sálfræðinga Krabbameinsfélagsins er í boði í greiningarferli, meðferð eða að lokinni meðferð, á íslensku, ensku, pólsku og þýsku. Þjónustan er líka fyrir aðstandendur.
Viðburðir og námskeið
Mannamál - karlar og krabbamein (1/4)
Námskeið fyrir karla sem eru með krabbamein eða hafa lokið krabbameinsmeðferð. Karlmenn leita sér upplýsinga í minna mæli en konur varðandi margt sem snertir eigin heilsu. Á námskeiðinu Mannamál viljum við breyta því og ræða þessa hluti um leið og við fræðumst um reynslu annarra.
Kynning á nýju úrræði til að takast á við streitu sem getur fylgt krabbameini - miðvikudaginn 15. apríl
Margir upplifa streitu í tengslum við krabbamein.
Krabbameinsfélagið, í samstarfi við Nature and Forest Therapy Iceland og Skógræktarfélag Reykjavíkur, býður nú upp á kynningu á japönsku útivistinni Shinrin-yoku, gagnreynda aðferð til streitulosunar og endurheimtar í náttúrunni.