Um Framfarasjóð Krabbameinsfélagsins
Stjórn Krabbameinsfélags Íslands samþykkti á fundi sínum í desember 2025 að stofna sérstakan sjóð, Framfarasjóð, til að hvetja til nýsköpunar og þróunar nýrra úrræða í þjónustu við fólk með krabbamein og aðstandendur þess, svo og ný forvarnarverkefni.
Í lögum Krabbameinsfélags Íslands segir að tilgangur félagsins sé meðal annars að styðja framfarir í meðferð krabbameina og umönnun krabbameinssjúklinga. Góðar hugmyndir að slíkum framförum og nýsköpun geta kviknað víðar í samfélaginu en innan Krabbameinsfélagsins og sjóðnum er ætlað að vera sérstök hvatning til aðila utan félagsins til nýsköpunar í málaflokknum.
Ákveðið var að stofnfé sjóðsins yrði 75 milljónir.
Undirbúningur að stofnun sjóðsins hófst strax. Stofnféð var lagt inn á sérstakan vörslureikning, þar til sjóðurinn hefði fengið kennitölu og bankareikning og gengið frá skipan stjórnar sjóðsins og fagráðs. Sýslumaður Vestfjarða staðfesti skipulagsskrá sjóðsins 10. ágúst 2026.
Sjóðurinn mun leggja sérstaka áherslu á verkefni sem fela í sér framfarir, nýsköpun og þróun eða umbætur sem geta skilað varanlegum ávinningi fyrir einstaklinga, heilbrigðiskerfið eða samfélagið í heild.
Fjármögnun Framfarasjóðs
Hægt er að styrkja sjóðinn beint:
Framfarasjóður Krabbameinsfélags Íslands
Kennitala sjóðsins: 570826-2040
Reikningsnúmer: 0357-22-010713
Skógarhlíð 8, 105 Reykjavík
Fyrirspurnum má koma á framfæri á netfangið framfarasjodur@krabb.is.