Bleiki dag­ur­inn

Ýmsar hugmyndir

• Bleikt morgunkaffi
• Bleikur hádegisverður
• Skreyta vinnustaðinn
• Klæðast einhverju bleiku
• Veita verðlaun fyrir fatnað og skreytingar
• Bleikur göngutúr í hádeginu - tilvalið að ganga í slaufu.
• Bleik lýsing
• Hópeflisleikir
• Lýsa upp byggingar með bleiku ljósi þar sem því verður komið við.
• Vefverslun Krabbameinsfélagsins er með áherslu á bleikan varning sem hægt er að kaupa fyrir bleika daginn.

Sendið sögur og myndir

Við hvetjum alla til að senda okkur skemmtilegar, bleikar myndir af sér og vinahópum eða vinnufélögum á netfangið bleikaslaufan@krabb.is og munum við birta þær hjá okkur á facebooksíðu Bleiku slaufunnar. Merkið myndirnar #bleikaslaufan.

• Sjá myndir frá fyrri árum

Styrkleikar á Úlfarsfelli

Á Bleika daginn 21. október verða Styrkleikar við rætur Úlfarsfells. Að þeim standa Krabbameinsfélagið og félagarnir Kjartan Long og Albert Þorbergsson, sem halda úti verkefninu 100 Úlfarsfellstindar. Það verða tvær gönguleiðir í boði sem báðar mynda slaufu, til að sem flestir geti tekið þátt. Hugljúf ljósastund verður haldin á fjallinu kl. 19:30.​ Þar hlýðum við á hugvekju frá Þorra Snæbjörnssyni, ráðgjafa Krabbameinsfélagsins, og reynslusögu Rósu Bjargar Karlsdóttur, sem minnir á mikilvægi þess að sjá sig.

Starfsfólk Krabbameinsfélagsins verður á staðnum frá kl. 17:00 - 20:00 og tekur vel á móti öllum. Boðið verður upp á heitt kakó og tækifæri til að spjalla og eiga góða stund saman.

Vinir Bleiku slaufunnar

Vinir Bleiku slaufunnar eru fyrirtæki sem bjóða fram tilteknar vörur og þjónustu þar sem hluti andvirðisins rennur beint til átaksins.

• Skoða Vini Bleiku slaufunnar

Sum þessara fyrirtækja leggja sig sérstaklega fram um að bjóða vöru og þjónustu í tilefni Bleika dagsins, miðvikudaginn 21. október - hér að neðan eru nokkur dæmi:

• Dagana 17. til 25. október rennur allur ágóði af aðgangseyri í heilsulindir Center Hotels til Bleiku slaufunnar
• Dagana 12.-21. október rennur 15% af sölu bleikra vara hjá Tertugallerý Myllunnar til Bleiku slaufunnar
• 10% af bleikum kræsingum hjá 17 sortum rennur til Bleiku slaufunnar í aðdraganda Bleika dagsins 21. október
• Power Move Studio heldur bleikt Zumbapartý til styrktar Bleiku slaufunni á Bleika daginn 21. október
• Thera Studio heldur góðgerðarviðburð til styrktar Bleiku slaufunni á Bleika daginn 21. október

Um Bleika daginn

Á Bleika deginum sameinast samfélagið allt í stuðningi og hluttekningu með fólki og aðstandendum þeirra sem glíma við krabbamein eða hefur gert það og minnist þeirra sem við höfum misst úr krabbameinum. Bleiki dagurinn einkennist af samstöðu sem við hjá Krabbameinsfélaginu heyrum oft hve miklu máli skiptir fólk. En við heyrum líka af því að hann getur verið áminning um erfiðar stundir og það skulum við hafa bakvið eyrað.  

Bleiki dagurinn snýst nefnilega ekki bara um að klæðast bleiku frá toppi til táar og gera sér glaðan dag, hann er líka innihaldsríkur. Bleiki dagurinn gefur tækifæri til að skapa góðar og innihaldsríkar stundir með hverjum þeim hætti sem fólki hentar, hvar sem er á heimilum, á vinnustöðum eða í skólum og hvernig sem aðstæður eru. Hver stund skiptir máli og við viljum nýta tímann með sem bestum hætti. 

Við hjá Krabbameinsfélaginu þökkum samfélaginu af öllu hjarta fyrir stuðninginn í Bleiku slaufunni og fyrir að taka undir með okkur á Bleika daginn.