Styrkleikar í skólum
Skólum býðst að halda Styrkleika, þar sem markmiðið er að nemendur komi saman, sýni stuðning ásamt því að heiðra og gleðja þá sem hafa greinst með krabbamein og aðstandendur þeirra.
Styrkleikarnir sem eru haldnir í skólum eru styttri en sólahringsviðburður. Þeir eru skipulagðir á skólalóðinni og skiptir ekki máli hvort að þeir séu haldnir innandyra eða úti. Það sem alltaf þarf að hafa í huga er að allir nemendur hafi möguleika á að taka þátt óháð hreyfigetu. Styrkleikarnir eru ekki keppni, heldur fer hver á sínum hraða og í sameiningu sér hópurinn um að boðhlaupskeflið sé á ferðinni allan tímann.
Krabbameinsfélagið styður við skipulag og framkvæmd Styrkleikana í skólum, en gott er að hafa einn aðila sem er tengiliður við félagið. Krabbameinsfélagið á búnað sem skólarnir geta fengið lánaðan og hefur útbúið kynningarefni sem hægt er að nota til að kynna Styrkleikadaginn fyrir foreldrum og nemendum.
Í aðdraganda eða í kjölfar Styrkleikanna stendur skólanum til boða að fá fræðslu frá Krabbameinsfélaginu. Fræðslan getur verið fyrir kennara og/eða nemendur en í samstarfi við starfsmenn Krabbameinsfélagsins er fundið hvaða áhersla hentar hverjum skóla best.
Stuðningur við skipuleggjendur
Krabbameinsfélagið styður við skipulag og framkvæmd Styrkleika í skólum, meðal annars með útgáfu kynningarefnis ætlað foreldrum og nemendum. Auk þess á Krabbameinsfélagið búnað sem skólarnir geta fengið lánaðan meðan á Styrkleikunum stendur. Til að sem best takist til er mælt með að hafa einn aðila sem tengilið við félagið.
Til að fá frekar upplýsingar er hægt að senda tölvupóst á styrkleikarnir@krabb.is eða hafa samband í síma 540 1900
Styrkleikar í Smáraskóla
