Námskeið: Núvitund og samkennd (1/5)
Á námskeiðinu verða kenndar ýmsar grunnæfingar í núvitund og samkennd, auk fræðslu, umræðna og heimaverkefna.
Farið verður meðal annars yfir leiðir sem gefa af sér meiri mildi og skilning í eigin garð þegar eitthvað bjátar á, í stað gagnrýni.
Námskeiðið er vikulega í fimm skipti , mánudagana 15. september til 13. október kl. 14:00 - 16:00, í húsnæði Krabbameinsfélagsins að Skógarhlíð 8.
Leiðbeinandi er Anna Dóra Frostadóttir, klínískur sálfræðingur.
Skráning og nánari upplýsingar er á radgjof@krabb.is eða í síma 800 4040. Ekkert þátttökugjald.
,,Fann bara að þetta var bara nákvæmlega það sem ég þurfti sem aðstandandi . Að vita að Allt sé í lagi að líða . Takk fyrir mig"!
,,Ef þér finnst þú vera einn/ein með áhyggjur af veikindum þínum, barns, maka eða annars aðstandanda þá var þessi samvera yndisleg og gefandi. Styðjandi á allan hátt þó stundum veki upp tilfinningar",
,,Algengt vandamál sem mörg okkar kannast við en hafa ekki þekkingu né tól til að nýta sér í að ná bata. Það er ekki nóg að fara bara í krabbameinsmeðferð heldur þarf að hjálpa sér að verða betri þú út restina af lífinu. Þar kemur þetta námskeið sér vel".
Ráðgjöf og stuðningur þér að kostnaðarlausu
Þjónusta félagsráðgjafa, hjúkrunarfræðinga og sálfræðinga Krabbameinsfélagsins er í boði í greiningarferli, meðferð eða að lokinni meðferð, á íslensku, ensku og pólsku. Þjónustan er líka fyrir aðstandendur.