Fjarnámskeið: Bjargráð við kvíða (1/2)
Hvernig má koma auga á streituviðbrögð og langvarandi kvíða? Hagnýt bjargráð til að takast á við kvíða og streitu í daglegu lífi.
Flestir upplifa kvíða á einhverjum tímapunkti í tengslum við krabbameinsgreiningu, krabbameinsmeðferð eða eftirfylgni. Kvíði er í sjálfu sér ekki hættulegur, en honum geta fylgt ýmis óþægileg einkenni. Námskeiðið er ætlað þeim sem greinst hafa með krabbamein og aðstandendum.
Námskeiðið er í tveimur hlutum, miðvikudagana 21. og 28. ágúst kl. 13:00 – 14:30 og er fjarnámskeið.
Leiðbeinandi er Þorri Snæbjörnsson, sálfræðingur Krabbameinsfélagsins.
Skráning og nánari upplýsingar er á radgjof@krabb.is eða í síma 800 4040. Ekkert þátttökugjald.