Ráð­stefna Brakka­sam­tak­anna og Krabba­meins­fé­lags­ins

Opnunarviðburður 5. desember

Dagskrá helgarinnar hefst með opnunarviðburði í Þjóðleikhúsinu þar sem einleikurinn „Why me?” verður sýndur.

Einleikurinn ,,Why me?" er byggður á sönnum atburðum úr lífi leikkonunnar Christinu Selden – þetta er hennar saga, hennar barátta og hennar von. Með heiðarleika og húmor dregur hún áhorfendur inn í óvissuna, sársaukann og einsemdina sem fylgir veikindum – en líka í kraftinn, gleðina og óvænta lífsgleði.  ATH. einleikurinn er á ensku.

Verkið var frumsýnt á dönsku árið 2021 og sló strax í gegn – lof gagnrýnenda og áhorfenda sameinast í einni rós: "Það er ekki hægt að horfa á þessa sýningu án þess að finna til, og jafnvel brosa." 

Höfundur og leikstjóri: Kamilla Wargo Brekling 

Ekki missa af þessari frábæru sýningu sem verður aðeins sýnd hérlendis í þetta eina skipti – tryggðu þér miða strax í vefverslun Krabbameinsfélagsins!

Eftir leiksýninguna verður „show and tell“, og er sá viðburður eingöngu ætlaður konum. Þar munu konur sem hafa farið í áhættuminnkandi brjóstnámsaðgerðir eða fengið brjóstakrabbamein sýna mismunandi brjóstauppbyggingu eða brjóstnámsör (þær sem hafa kosið að fara ekki í brjóstauppbyggingu).

Þá verður hægt að fylgjast með konu fá þrívíddar geirvörtutattoo á staðnum.

Húsið opnar kl. 18:00 og dagskrá hefst kl. 19:00.

Dagskrá ráðstefnunnar 6. september

SKREF FYRIR SKREF: Ráðstefna um áhættueftirlit, stuðning við arfbera og krabbameinsgreinda, nýjustu lyfjameðferðir og brjóstauppbyggingar og fósturvísagreiningar (PGT) á Íslandi.

Ráðstefnan fer fram laugardaginn 6. september í húsnæði Íslenskrar erfðagreiningar. Húsið opnar kl. 09:00 og dagskrá hefst kl. 09:30. Ráðstefnan er ætluð heilbrigðisstarfsfólki, erfðaráðgjöfum, sjúklingum, arfberum, aðstandendum og öðrum áhugasömum.

Dagskrá

• 9:30 – Erindi formanns Brakkasamtakanna | Jóhanna Lilja Eiríksdóttir
• 9:40 – Opnunarorð fundarstjóra | Katrín Júlíusdóttir
• 9:50 – Setningarávarp | Alma D. Möller, heilbrigðisráðherra
• 10:00 – Áhættueftirlit í kjölfar greiningar á BRCA og öðrum áhættuaukandi krabbameinsbreytingum | Hákon Björn Högnason, erfðafræðingur Landspítala.
• 10:30 – Sálrænn stuðningur og ráðgjöf fyrir krabbameinsgreinda, arfbera og aðstandendur | Þorri Snæbjörnsson sálfræðingur og teymisstjóri hjá Krabbameinsfélagi Íslands.
• 11:00 – Mismunandi möguleikar í brjóstauppbyggingu eftir krabbamein og áhættuminnkandi brjóstnámsaðgerðir | Svanheiður Lóa Rafnsdóttir, brjóstaskurðlæknir Landspítala / Klíníkinni
• 11:30 – Hádegishlé – léttar veitingar og kynningarbásar
• 12:15 – Nýjustu lyfjameðferðir við brjóstakrabbameinum og sértækir PARP hemlar fyrir BRCA arfbera með brjóstakrabbamein | Helga Tryggvadóttir, krabbameinslæknir Landspítala.
• 12:45 – Fósturvísagreiningar (PGT) á Íslandi | Þórir Harðarson, fósturfræðingur Sunnu frjósemi
• 13:15 – Spurningar og umræður í sal

Kynningarbása verður einnig hægt að skoða að ráðstefnu lokinni.

Markmið ráðstefnunnar

• Að veita heilbrigðisstarfsfólki og almenningi innsýn í nýjustu rannsóknir og meðferðir tengdar arfgengum krabbameinum.
• Að kynna fósturvísagreiningar sem hafa ekki verið í boði á Íslandi fram til þessa.
• Að skapa vettvang fyrir samræður milli fræðimanna, heilbrigðisstarfsfólks og einstaklinga með krabbamein og krabbameinsvaldandi erfðabreytur.