Mál­þing: Vilj­um við að færri fái krabba­mein?

Málþingið ber yfirskriftina Viljum við að færri fái krabbamein? Eru vannýtt tækifæri til þess í íslensku samfélagi? og fjallar um sóknarfæri í forvörnum gegn krabbameinum. Í málþinginu taka þátt fulltrúar stjórnvalda og sérfræðingar félagsins. Dagskráin hefst klukkan 10:00 og þátttaka er gjaldfrjáls og öllum opin.  

• Skráning.
• Málþingið verður einnig aðgengilegt í streymi fyrir þá sem eiga ekki heimangengt. 

Um forvarnir gegn krabbameinum

Í yfir 70 ár hefur Krabbameinsfélagið verið í forystu í baráttunni gegn krabbameinum og eitt af helstu markmiðum félagsins er að fækka þeim sem fá krabbamein. Félagið stendur reglulega fyrir könnunum á þekkingu meðal almennings á helstu áhættuþáttum. Niðurstöður benda til árangurs af fræðslustarfi Krabbameinsfélagsins, sem sést af verulega aukinni þekkingu fólks á þeim áhættuþáttum sem félagið hefur lagt mesta áherslu á en vitneskja meðal almennings um aðra áhættuþætti er verulega minni.  

Dagskrá

• Setning málþings – Hlíf Steingrímsdóttir, formaður Krabbameinsfélagsins
  
• Ávarp heilbrigðisráðherra – Alma D. Möller, heilbrigðisráðherra
  
• Lýðheilsuvísar geta vísað veginn – María Heimisdóttir, landlæknir
  
• Krabbamein - áhættuþættir og verndandi þættir. Hvað veit fólk? – Vigdís Eva Guðmundsdóttir, sérfræðingur í fræðslu og forvörnum hjá Krabbameinsfélaginu
  
• Það gerist ekkert af sjálfu sér. Forvarnir bjarga mannslífum – Sigríður Gunnarsdóttir, forstöðumaður Rannsóknaseturs – Krabbameinsskrár hjá Krabbameinsfélaginu
  
• Sköpum heilsueflandi umhverfi. Ráðleggingar norrænu krabbameinsfélaganna til stjórnvalda – Sigrún Elva Einarsdóttir, sérfræðingur og teymisstjóri fræðslu og forvarna hjá Krabbameinsfélaginu
  
• Gott og einfalt. Ný lausn til að einfalda okkur lífið – Birgitta Lind Vilhjálmsdóttir, sérfræðingur í fræðslu og forvörnum hjá Krabbameinsfélaginu
  
• Samstarfsmöguleikar - dæmi frá Danmörku 
  
• Samantekt og slit

Fundarstjóri: Halla Þorvaldsdóttir, framkvæmdastjóri KÍ.