Málþing: Stöðluð greiningar- og meðferðarferli
Málþing um stöðluð greiningar- og meðferðarferli, allt frá því aðgrunur vaknar um krabbamein. Myndi innleiðing slíkra ferla hér á landi hjálpa til við að takast á við þær áskoranir sem fylgja krabbameinum í framtíðinni?
Málþingið fer fram laugardaginn 25. maí á milli kl. 10 og 12 í húsnæði félagsins að Skógarhlíð 8, 4. hæð. Málþinginu verður einnig streymt.
DAGSKRÁ
Innleiðing staðlaðra greiningar- og meðferðarferla (pakkeforlöb / patient pathway) hófst árið 2007 á Norðurlöndunum með það að markmiði að draga úr ónauðsynlegum biðtíma, óöryggi hjá sjúklingum og auka jöfnuð.
Myndi innleiðing slíkra ferla hér á landi hjálpa til við að takast á við þær áskoranir sem fylgja krabbameinum í framtíðinni?
Geta þau verið leið til:
- að tryggja áframhaldandi góðan árangur varðandi krabbamein hér á landi?
- að koma í veg fyrir ójöfnuð tengdan búsetu og félagslegum þáttum?
- að tryggja gæði og samfellt fyrirsjáanlegt ferli til að auka öryggi sjúklings og aðstandenda?
Á málþingi Krabbameinsfélagsins laugardaginn 25. maí verða þessi mál til umfjöllunar.
Erindi flytja:
- Sigríður Gunnarsdóttir, forstöðumaður Rannsóknaseturs – Krabbameinsskrár hjá Krabbameinsfélaginu
- Hlíf Steingrímsdóttir, formaður Krabbameinsfélagsins
- Helena Brändström Ph.D., forstöðumaður hjá Regionala cancercentrum i samverkan í Svíþjóð
- Søren Gray Worsøe Laursen, Ph.D., hjá danska Krabbameinsfélaginu
Í pallborðsumræðum taka þátt:
Hlíf Steingrímsdóttir, formaður Krabbameinsfélagsins, Hulda Hjálmarsdóttir, framkvæmdastjóri Krafts, stuðningsfélags fyrir ungt fólk með krabbamein, Nanna Sigríður Kristinsdóttir, framkvæmdastjóri lækninga hjá Heilsugæslu höfuðborgarsvæðisins Ólöf Kristjana Bjarnadóttir, krabbameinslæknir á Landspítala, Sigríður Gunnarsdóttir, Vigdís Hallgrímsdóttir, framkvæmdastjóri hjarta, augn og krabbameinsþjónustu á Landspítala auk fulltrúa frá heilbrigðisráðuneytinu.
Fundarstjóri: Halla Þorvaldsdóttir