Ráðstefna BRCA - Leiksýning
Heillandi, hjartnæmur og ógleymanlegur einleikur um lífið með krabbamein, sýndur í Þjóðleikhúsinu, í tengslum við ráðstefnu BRCA 2025.
Einleikurinn ,,Why me?" er byggður á sönnum atburðum úr lífi leikkonunnar Christinu Selden – þetta er hennar saga, hennar barátta og hennar von. Með heiðarleika og húmor dregur hún áhorfendur inn í óvissuna, sársaukann og einsemdina sem fylgir veikindum – en líka í kraftinn, gleðina og óvænta lífsgleði. ATH. einleikurinn er á ensku.
Verkið var frumsýnt á dönsku árið 2021 og sló strax í gegn – lof gagnrýnenda og áhorfenda sameinast í einni rós: "Það er ekki hægt að horfa á þessa sýningu án þess að finna til, og jafnvel brosa."
Höfundur og leikstjóri: Kamilla Wargo Brekling
Ekki missa af þessari frábæru sýningu sem verður aðeins sýnd hérlendis í þetta eina skipti – tryggðu þér miða strax í vefverslun Krabbameinsfélagsins!
Eftir leiksýninguna verður „show and tell“, og er sá viðburður eingöngu ætlaður konum. Þar munu konur sem hafa farið í áhættuminnkandi brjóstnámsaðgerðir eða fengið brjóstakrabbamein sýna mismunandi brjóstauppbyggingu eða brjóstnámsör (þær sem hafa kosið að fara ekki í brjóstauppbyggingu).