Miðvikudaginn 17. júní verður dregið í sumarhappdrætti Krabbameinsfélagsins
Þau sem líta vilja fyrsta vinning augum, BYD Dolphin, 100% rafmagnsbíl, geta lagt leið sína í Smáralindina út 16. júní, en þar er einnig hægt að versla happdrættismiða á opnunartíma.
Bíllinn er staðsettur á 1. hæð á milli Lyfju og Zara.
Athugið að ekki verður opið í verslun Krabbameinsfélagsins á þjóðhátíðardaginn en þau sem þurfa aðstoð við kaup á miðum, greiðslu krafna í heimabanka eða verslun á netinu geta haft samband með tölvupósti á vala@krabb.is.
Opið er í vefverslun allan sólarhringinn en sölu á happdrættismiðum lýkur þó klukkan 12 á hádegi þann 17. júní.
Vinningaskrá verður birt á vefsíðu Krabbameinsfélagsins seinnipartinn þann 18. júní og í Morgunblaðinu föstudaginn 19. júní.
