Kastað til bata 2026
„Kastað til bata“ er samstarfsverkefni á vegum Brjóstaheilla - Samhjálpar kvenna, Krabbameinsfélagsins, Stangveiðifélags Reykjavíkur og styrktaraðila, þar sem konum er boðið til veiðiferðar.
Verkefnið er hugsað sem endurhæfing fyrir konur vegna brjóstakrabbameins.
Markmið veiðiferðarinnar er að veita konum tækifæri til að styrkja sig á líkama og sál með því að æfa flugukast í fallegu umhverfi og njóta samvista við veiðifélaga með svipaða reynslu.
Vanir fluguveiðimenn kenna þátttakendum að kasta flugu og er ávallt tekið mið af líkamlegri getu þeirra.
Langá á Mýrum 29. - 31. maí 2026
Næsti viðburður verður við Langá á Mýrum dagana 29. - 31. júní og geta 14 konur tekið þátt.
Ferðin er þátttakendum að kostnaðarlausu.
Áhugasamar konur sem vilja taka þátt skulu sækja um á sérstöku umsóknareyðublaði fyrir 26. apríl næstkomandi.
Hafið samband með tölvupósti (radgjof@krabb.is) eða síma (800 4040) fyrir frekari upplýsingar.
