Wok On styrkir Bleiku slaufuna
Í Bleiku slaufunni í október voru rauðu take-away boxin á Wok On sett í bleikan búning og runnu 50 krónur af hverjum seldum rétti til Krabbameinsfélagsins. Óhætt er að segja að landsmenn hafi tekið þessu vel og seldust ríflega 23.000 réttir og söfnuðust alls 1.161.950 kr.
Samhliða þessu var gjafaleikur í gangi hjá Wok On allan október þar sem viðskiptavinir voru hvattir til að setja mynd af bleiku boxunum á Instagram og áttu þannig möguleika á að vinna klippikort frá Wok On og styrkja Bleiku slaufuna um 100.000 kr. í þeirra nafni. Vinningshafinn reyndist vera Andrea Pétursdóttir og er henni hér með óskað sérstaklega til hamingju.
Þessi góðu viðbrögð hafa leitt til þess að Wok On hefur þegar ákveðið að endurtaka leikinn á næsta ári.
Krabbameinsfélagið þakkar Wok On og viðskiptavinum þeirra kærlega fyrir þennan frábæra stuðning sem kemur svo sannarlega að góðum notum.