Sigriður Sólan Guðlaugsdóttir 12. mar. 2019

Vonar að sokkarnir seljist upp

  • Anna Pálína með Mottumars-sokkana í húsakynnum Listháskóla Íslands.

Anna Pálína Baldursdóttir, hönnuður Mottumars-sokkanna 2019, þekkir krabbamein úr eigin fjölskyldu og segist vona að sokkarnir rokseljist til góða fyrir starfsemi Krabbameinsfélagsins.

Anna Pálína er nemandi í grafískri hönnun í Listaháskóla Íslands og bar sigur úr bítum í hönnnunarsamkeppni LHÍ og Krabbameinsfélagsins síðastliðið haust.

Sokkarnir eru „fallegir, skærir og bjartir“ eins og forseti Íslands sagði þegar honum var afhent fyrsta sokkaparið við upphaf Mottumars 1. mars síðastliðinn. Hugmyndina segist Anna Pálína hafa fengið úr síðustu Mottumarsherferð og syngjandi rakarar hafi veitt henni innblástur: „Mig langaði að gera karla og fannst sniðugt að hafa andlitið á tánum þannig að sokkaeigandinn gæti horft framann í þá.“

Anna-Palina-med-sokka-NOTA1

Fjarstæðukennd og súrrealísk tilhugsun

Mottumars sokkarnir eru framleiddir í rúmlega 40 þúsund para upplagi og seldir í verslunum um allt land og í vefverslun Krabbameinsfélagsins. Sigurvegari hönnunarsamkeppninnar segist enn vera að átta sig á því að tugþúsundir landsmanna gætu klæðst sokkum eftir hana: „Það er mjög fjarstæðukennd og súrrealísk tilhugsun. Ég er eiginlega ennþá að átta mig á því hvað þetta er stórt batterí.“

Anna Pálína segir að athyglin sem hún hafi fengið komi henni á óvart. Hún hafi haldið að sokkarnir yrðu í forgrunni en ekki hún: „Margir ókunnugir hafa stoppað mig úti á götu og óskað mér til hamingju. Ég er ekki vön að vera miðpunktur athygli, þó það sé bara í skamman tíma. Þess vegna er ég bara svolítið fegin því að vera stödd erlendis í skiptinámi um þessar mundir!“

Vonar að sokkarnir fyrir góðan málstað

Krabbamein hefur höggvið skarð í fjölskyldu Önnu Pálínu og hún þekkir nokkra utan hennar sem hafa barist við sjúkdóminn: „Ég vona bara að sokkarnir rokseljist - og seljist upp svo ágóði Krabbameinsfélagsins verði sem mestur,“ segir hún að lokum.



Fleiri nýjar fréttir

15. ágú. 2019 : Aukaskoðun í Vestmannaeyjum 22. og 23. ágúst

Afar dræm þátttaka var í skimun fyrir brjóstakrabbameini í Vestmannaeyjum í vor og kom í ljós að mistök höfðu átt sér stað í póstsendingu boðsbréfa sem ekki bárust öllum konum sem komið var að í skimun.

Lesa meira

12. ágú. 2019 : Opið fyrir umsóknir í vísindasjóð norrænu krabbameinssamtakanna

Vakin er athygli á því að opið er fyrir umsóknir í vísindasjóð NCU (Norrænu krabbameinssamtakanna). Umsóknarfrestur er til og með 2. september næstkomandi.

Lesa meira
Brjóstaskoðun á Leitarstöð

9. ágú. 2019 : Mikil eftirspurn eftir tímum í skimun

Aldrei hafa jafnmargar tímapantanir í skimun beðið starfsfólks Leitarstöðvarinnar að loknum sumarleyfum og nú. Um 800 tölvupóstar biðu afgreiðslu og er nú unnið að því að bæta við tímum til að anna eftirspurn. 

Lesa meira

29. júl. 2019 : Hleypur fyrir pabba og frænda ... af því hún getur það

Berglind Alda Ástþórsdóttir hleypur 10 kílómetra í Reykjavíkurmaraþoninu til styrktar Krabbameinsfélaginu. Berglind hefur sterka tengingu við krabbamein, en faðir hennar hefur síðustu tvö ár glímt við nýrnakrabbamein og 14 ára gamall frændi er með krabbamein í eitlum. 

Lesa meira
Arnar Pétursson og Berglind Alda Ástþórsdóttir

27. júl. 2019 : Þú þarft ekki að vera maraþonhlaupari til að minnka líkur á krabbameini

Krabbameinsfélagið hvetur landsmenn til reglulegrar hreyfingar, því í henni felst góð forvörn gegn krabbameinum. Félagið hvetur hlaupara í Reykjavíkurmaraþoni til dáða með því að gefa bönd með slagorðinu „Ég hleyp af því ég get það.“

Lesa meira

Var efnið hjálplegt?