Vinnustofan VISS á Flúðum styrkti Krabbameinsfélagið
-
Á myndinni frá hægri eru þau Vilhjálmur Guðmundsson, Edvin Kristinsson, Atli Sigmundsson, Hlíf Sigurðardóttir, Gunnar Valur Matthíasson, Else Nielsen og Unnur Þórsdóttir sem sem sá um að afhenda styrkinn. Vinstra megin eru það svo þau Ása Sigríður Þórisdóttir frá Krabbameinsfélaginu og Stefán Magnússon frá Krafti.
Vinnustofan VISS á Flúðum langaði að leggja sitt að mörkum til að styðja við bleikan október og máluðu fallega steina sem þau seldu á 1000 krónur stykkið og allur ágóðinn rann til Krabbameinsfélagsins. Steinarnir voru seldir á vinnustofu VISS á Flúðum og á bleika deginum fóru þau svo um bæinn og seldu stofnunum og fyrirtækjum sem eru staðsett á Flúðum steina.
Það er óhætt að segja að salan á þessum fallegu steinum hafi gengið afar vel. Því glæsilegur hópur kom í bæjarferð og kom við hér hjá okkur í Skógarhlíðinni á dögunum og afhenti Krabbameinsfélaginu 106.000 krónur sem þau söfnuðum með sölu á bleiku steinunum.
Krabbameinsfélagið þakkar þeim kærlega hlýhug og stuðninginn sem félaginu er sýndur.