Vel heppnuð ,,Kastað til bata" veiðiferð afstaðin
Veiðiferðinni „Kastað til bata“ lauk í síðustu viku en hún fór fram í blíðskaparveðri í Langá á Mýrum 21.-23. maí síðastliðinn.
Verkefnið er samstarfsverkefni Brjóstaheilla ‒ samhjálpar kvenna, Krabbameinsfélagsins og styrktaraðila og er hugsað sem endurhæfing fyrir konur sem lokið hafa meðferð við brjóstakrabbameini.
,,Það eru algjör forréttindi að fá vera með þessum frábæru konum" segir Auður Elísabet hjúkrunarfræðingur og umsjónarmaður verkefnisins fyrir hönd Krabbameinsfélagsins. ,,Þær eru í bata- og endurhæfingarferli og mikilvægur hluti af því ferli er að hitta aðrar konur í sömu sporum og leyfa sér hlæja saman. Það var brosað og hlegið allann tímann, frábærir leiðsögumenn komu og kenndu réttu handtökin og Sindri kokkur kom sá og sigraði með snilldar matseld."
Fyrir hönd Krabbameinsfélagins viljum við færa öllum stuðningsaðilum þakklæti okkar. Helst ber að þakka SVFR og Veiðihorninu að öðrum ólöstuðum. Án þeirra stuðnings hefði ferðin ekki verið framkvæmanleg í okkar fallega veiðiumhverfi á Íslandi.
