Veiðifréttir - brjálað stuð í Kastað til bata - MYNDIR
Kastað til bata er endurhæfingarverkefni sem hefur verið starfrækt á Íslandi í rúman áratug. Verkefnið er hugsað sem bæði líkamleg og andleg endurhæfing fyrir konur sem hafa lokið meðferð við brjóstakrabbameini. Áfangastaðurinn í ár var Langá á Mýrum.
Kastað til bata er endurhæfingarverkefni sem hófst árið 2010 á Íslandi en hugmyndin er fengin frá Bandaríkjunum. Þar er talað um Casting for recovery og hugsað sem bæði líkamlega og andleg endurhæfing fyrir konur sem hafa lokið meðferð við brjóstakrabbameini.
Þarna var fjör!
Um mánaðarmótin maí-júní var farið í Kastað til bata-ferðir á vegum Krabbameinsfélagsins og Brjóstaheilla. Áfangastaðurinn var Langá á Mýrum og voru aðstæður afar hagstæðar. Með í för voru 22 konur sem voru fljótar að tengjast nánum böndum. Auður E. Jóhannsdóttir, hjúkrunarfræðingur hjá Krabbameinsfélaginu, er verkefnisstjóri Kastað til bata. „Það er töfrum líkast hvað þær eru fljótar að tengjast og byrja tala um ferlið, þessi samkennd sem ríkir meðal þeirra og í lok ferðar eru þær orðnar veiðisystur,“ sagði Auður.
Brugðið á leik.
Notaleg stund eftir erfiði dagsins.
Guðrún Kristín Svavarsdóttir, stýrir verkefninu ásamt Auði fyrir hönd Brjóstaheilla og hefur samstarfið gengið vonum framar. „Við höfum gert þetta saman frá árinu 2016 en ég hitti Guðrúnu Kristínu árið 2015 þegar hún kom sjálf í Kastað til bata eftir krabbameinsmeðferð og ég fann strax að ég yrði að fá hana með mér í þetta verkefni. Við gætum ekki haft svona flott verkefni á Íslandi nema með tilkomu SVFR og Veiðihornsins sem útvega Veiðihúsið, leiðsögumenn og lána okkur vöðlurnar. Allir er boðnir og beðnir að styrkja þetta verkefni eins og t.d. Garri, Mata , 66° Norður og fleiri og við gætum ekki verið ánægðari með útkomuna.“
Glæsilegur hópur ásamt leiðsögumanni.
Heim fóru 22 alsælar veiðisystur eftir gjöfula ferð, mikinn hlátur og sannkallaðar vináttustundir. Myndirnar eru eftir Ragnheiði Jósúadóttur.
Fallegt um að lítast við Laxá á Mýrum.
Fagmennskan uppmáluð.
Þægilegt spjall með kaffinu.
Smá upprifjun á kasttækninni.
Allt að koma, engu gleymt.
10/10 fyrir stíl.
