Veglegur styrkur til námskeiðahalds frá Soroptimistaklúbbi Reykjavíkur
-
(f.v.) Anna Þórðardóttir og Þórunn Lárusdóttir frá Soroptimistaklúbbi Reykjavíkur, Halla Þorvaldsdóttir framkvæmdastjóri KÍ og Sigrún Lillie Magnúsdóttir forstöðukona Ráðgjafarþjónustu KÍ.
Nýlega var Ráðgjafarþjónustu Krabbameinsfélagsins færður veglegur styrkur frá Soroptimistaklúbbi Reykjavíkur.
Anna Þórðardóttir formaður klúbbsins og Þórunn Lárusdóttir komu og færðu félaginu 1.900.000 kr. sem var ágóðinn af samkomunni Góðgerði sem haldinn var 16.mars 2017.
Styrkurinn er ætlaður til námskeiðahalds fyrir konur sem hafa fengið krabbamein og ungmenni sem hafa misst aðstandendur úr krabbameini. Halla Þorvaldsdóttir framkvæmdastjóri Krabbameinsfélagsins tók á móti styrknum og þakkaði fyrir ómetanlegan stuðning við starf félagsins.