Guðmundur Pálsson 16. apr. 2019

Veg­legur stuðn­ingur Krabba­meins­félags­ins gerir draum að veru­leika

  • Frá vinstri: Valgerður Sigurðardóttir, formaður Krabbameinsfélags Íslands, Alma D. Möller, Landlæknir, Páll Matthíasson forstjóri Landspítala og Árni Einarsson, formaður Krabbameinsfélags höfuðborgarsvæðisins.

Með þróun rafrænnar samskiptalausnar fyrir sjúklinga í krabbameinsmeðferð á Landspítala verður öryggi þeirra og þátttaka í meðferð aukin, um leið og aðgengi þeirra að upplýsingum og samskipti við heilbrigðisstarfsfólk verða auðveldari.

Rafræna samskiptalausnin er samstarfsverkefni Landspítala, Embættis Landlæknis, Krabbameinsfélags Íslands og Krabbameinsfélags höfuðborgarsvæðisins og hefur þann tilgang  að bjóða sjúklingum og aðstandendum þeirra þjónustu á öruggu vefsvæði til þess að styðja við þá í veikindaferlinu. Samskiptalausnin gefur einnig meðferðarteymi sjúklingsins yfirlit yfir líðan hans og þarfir. Samstarf þessara aðila og veglegur fjárstuðningur Krabbameinsfélags Íslands og Krabbameinsfélags höfuðborgarsvæðisins gerir kleift að hrinda verkefninu í framkvæmd. Stjórn verkefnisins er í höndum Kristínar Skúladóttir hjúkrunarfræðings og verkefnisstjórnar.

Samskiptalausnin verður útfærð í Heilsuveru og í rafrænum sjúkraskrárkerfum spítalans, og er í takt við sýn Landspítala um þátttöku sjúklinga og aðstandenda í meðferð. Rannsóknir hafa sýnt fram á jákvæðan árangur sambærilegra verkefna, bæði fyrir sjúklinginn og fyrir heilbrigðis-kerfið. Sambærilegar lausnir hafa verið þróaðar í rannsóknarumhverfi og sérlausnum víða um heim en ekki í þeirri mynd sem verið er að vinna að hér, þar sem til stendur að vinna lausnina í takt við kerfi sem eru í notkun á Íslandi nú þegar.

Upphafleg þarfagreining þessa verkefnis sem var fyrst kynnt árið 2015, var unnin af Nönnu Friðriksdóttur sérfræðingi í krabbameinshjúkrun og Lilju Þorsteinsdóttur hjúkrunarfræðingi og verkefnisstjóra. Langþráður draumur er nú orðinn að veruleika.

Öll starfsemi Krabbameinsfélagins byggir á fjárframlögum einstaklinga og fyrirtækja. Velunnarar félagsins, viðskiptavinir netverslunar og aðrir stuðningsaðilar sem leggja baráttunni gegn krabbameini lið, gera Krabbameinsfélaginu mögulegt að styðja með jafn myndarlegum hætti við rannsóknir og frumkvöðlaverkefni af þessu tagi – landsmönnum öllum til heilla.


Fleiri nýjar fréttir

6. sep. 2019 : Kynningarátak um erfðagjafir

Krabbameinsfélagið hefur tekið höndum saman við sex góðgerðarfélög til að vekja athygli almennings á erfðagjöfum. Yfirskrift átaksins er „Gefðu framtíðinni forskot.“

Lesa meira

4. sep. 2019 : Nú komum við saman: Opið hús á Velunnaradaginn 10. september

Þriðjudaginn 10. september verður opið hús fyrir Velunnara Krabbameinsfélagsins, en það eru þeir sem kjósa að styðja við baráttuna gegn krabbameini með mánaðarlegu framlagi. Þannig gera þeir félaginu kleift að efla stöðugt rannsóknir, fræðslu, forvarnir, ráðgjöf og stuðning í þágu þeirra sem greinst hafa með krabbamein og aðstandenda þeirra.

Lesa meira

4. sep. 2019 : Göngum, hjólum eða hlaupum í skólann!

Krabbameinsfélagið tekur fagnandi hinu árlegu átaki ,,Göngum í skólann“, enda er markmið þess að hvetja börn til aukinnar hreyfingar auk þess að fræða þau, foreldra og starfsfólk skóla um ávinninginn sem felst í reglulegri hreyfingu og stuðla almennt að heilbrigðum lífsstíl fyrir alla fjölskylduna. 

Lesa meira

30. ágú. 2019 : Sterk tengsl milli notkunar tíðahvarfahormóna og brjóstakrabbameins

Í dag birtust í vísindaritinu Lancet niðurstöður stórrar fjölþjóðlegar rannsóknar um tengsl milli notkunar tíðarhvarfahormóna og brjóstakrabbameins. Rannsókninni er stýrt af hópi við Oxford háskóla og í henni er meðal annars stuðst við gögn frá Krabbameinsfélaginu.

Lesa meira

26. ágú. 2019 : Snorri Ingimarsson fyrrverandi forstjóri Krabbameinsfélagsins er látinn

Snorri starfaði bæði sem krabbameinslæknir og geðlæknir og var fyrsti forstjóri Krabbameinsfélags Íslands. Hann gengdi því starfi frá árinu 1984 til 1988. Hann lést í Reykjavík þann 14. ágúst síðastliðinn, 71 árs að aldri. 

Lesa meira

Var efnið hjálplegt?