Sigriður Sólan Guðlaugsdóttir 22. okt. 2018

Útdrætti á heppnum vinkonuhópi frestað

Misskilningur um að skráning vinkonuhópa færi fram á Facebook.

„Við þökkum konum á Íslandi fyrir ótrúleg viðbrögð við skráningu vinkonuhópa á bleikaslaufan.is. Það er greinilegt að skimun fyrir krabbameinum skiptir þær miklu máli enda stendur málefnið mörgum nærri,“ segir Halla Þorvaldsdóttir, framkvæmdastjóri Krabbameinsfélagi Íslands. 

Með skráningu á bleikaslaufan.is fá vinkonuhópar reglulega senda fræðslu um forvarnir fyrir krabbameinum og hvatningu til að mæta í skimun fyrir brjósta- og leghálskrabbameinum. Í dag kl 17:00 stóð til að draga út einn heppinn vinkonuhóp sem fær 300 þúsund króna ferðaávísun frá Heimsferðum í vinning. 

„Hins vegar virðast einhverjir hafa misskilið skráninguna og talið að hún færi fram með ummælum á Facebook. Við ákváðum því að fresta útdrætti til að gefa þeim hópum færi á að skrá sig á bleikaslaufan.is og eiga þannig möguleika á að hreppa þennan rausnarlega ferðavinning frá Heimsferðum,“ segir Halla.

Lokað verður fyrir skráningu föstudaginn 26. október klukkan 10:00 og einn heppinn vinkonuhópur verður dreginn út í beinni útsendingu á á Facebook síðu Bleiku slaufunnar kl 11:00.

Október er Bleiki mánuður Krabbameinsfélagsins og þá leggur félagið áherslu á vitundarvakningu um krabbamein hjá konum. Í Bleiku slaufunni í ár var lögð sérstök áhersla á mikilvægi vinkonuhópa þegar kemur að hvatningu um að mæta í skimun fyrir legháls- og brjóstakrabbameinum. ​

Myndin er frá  ljósmyndasýningu Bleiku slaufunnar þar sem tólf konur segja sögu sína af því að hafa fengið brjósta- eða leghálskrabbamein og hversu miklu máli hvatning og stuðningur vinahópsins skipti. 


Fleiri nýjar fréttir

30. maí 2023 : Bylting - hálfur milljarður til krabbameinsrannsókna

Vísindasjóður Krabbameinsfélagsins hefur frá stofnun sjóðsins árið 2015 styrkt 41 krabbameinsrannsókn um samanlagt 384 miljónir króna. Næsta úthlutun úr sjóðnum verður í júní næstkomandi.

Lesa meira

30. maí 2023 : Krabbameinsskimanir – mikið fyrir lítið

Áratugir eru síðan skimanir fyrir legháls- og brjóstakrabbameini voru teknar upp á Íslandi. Þær hafa fyrir löngu sannað gildi sitt þó þær veiti aldrei fullkomna vörn. Konur hér á landi hafa með afgerandi hætti sýnt að þær kunna að meta aðgengi að þeim.

Lesa meira

30. maí 2023 : Á Ís­landi greinast um 1800 manns á hverju ári með krabba­mein

Þeir gætu verið færri. Þó að ekki sé hægt að koma í veg fyrir öll krabbamein sýna rannsóknir að áhættuþættir margra krabbameina tengjast lífsstíl. Með bættri lýðheilsu þjóðar er hægt að fækka verulega ákveðnum krabbameinum.

Lesa meira

28. maí 2023 : Lokað 30. maí í ráðgjafarþjónustu vegna vinnufundar ráðgjafarteymis

Lokaða verður hjá ráðgjafarþjónustu Krabbameinsfélagsins þriðjudaginn 30. maí vegna vinnufundar ráðgjafarteymis. Hægt er að senda fyrirspurnir og erindi á radgjof@krabb.is og er þeim svarað eins fljótt og hægt er.

Lesa meira

25. maí 2023 : Bjóðum Brakkasamtökin velkomin í hópinn

Á aðalfundi Krabbameinsfélagsins var staðfest ákvörðun stjórnar um aðild Brakkasamtakanna að Krabbameinsfélagi Íslands. Krabbameinsfélagið fagnar ákvörðun aðalfundarins og býður Brakkasamtökin velkomin í hópinn.

Lesa meira

Var efnið hjálplegt?