Björn Teitsson 29. jún. 2021

„Upplifun sem ég gleymi aldrei“

  • Eva-iris

Styrkleikarnir fara fram á Selfossi dagana 4.-5. september. Um er að ræða fjölskyldu-og barnvænan viðburð sem stendur yfir í sólarhring þar sem er safnað fyrir krabbameinsgreindum og þeim sýndur stuðningur á táknrænan hátt. 

Styrkleikarnir fara fram á Selfossi dagana 4.-5. september en um er að ræða alþjóðlegan viðburð sem lítur dagsins ljós á Íslandi í fyrsta sinn. Á ensku heitir viðburðurinn Relay for Life og var fyrst haldinn í Bandaríkjunum árið 1985. Núna eru yfir 30 lönd með yfir 4000 viðburði árlega út um allan heim.

Eva Íris Eyjólfsdóttir er verkefnisstjóri Styrkleikanna en hún tók þátt í skipulagningu viðburðarins í Noregi árin 2018 og 2019. Hafði sú reynsla djúpstæð áhrif á Evu. „Þetta var ótrúleg upplifun sem ég gleymi aldrei,“ segir Eva og heldur áfram. „Þetta er sólarhringsviðburður sem er táknrænn á þann hátt að þau sem greinast með krabbamein þurfa að glíma við sinn sjúkdóm allan sólarhringinn, það er aldrei frí.“ Styrkleikarnir fara fram í nágrenni við íþróttavelli eða útivistarsvæði og þar er skapað sérstaklega fjölskylduvænt umhverfi. „Já, það er alltaf eitthvað um að vera. Þátttakendur taka þátt sem lið, þannig þetta er kjörið fyrir vinnustaði, fyrir íþróttafélög, saumaklúbba eða vinahópa til að taka þátt og sýna samstöðu. Einstaklingar geta að sjálfsögðu líka skráð sig og eru þá í Landsliðinu.“

Einstaklingarnir í liðunum skipta með sér sólarhringum og gæta þess að einhver er á hreyfingu með keflið allan tímann. „Þetta er þó ekki keppni, heldur vettvangur þar sem hægt er að sýna samstöðu“ segir Eva. „Hver sem er getur gengið á sínum hraða. Á milli þess sem fólk tekur sína vakt er hægt að taka þátt í alls konar gleði og glensi, ævinlega er eitthvað gott að borða og allir ættu að finna eitthvað við hæfi.“ Þegar tekur að rökkva er sérstök ljósaathöfn sem er tilfinningaríkt sjónarspil sem hefur sérstaka þýðingu fyrir þátttakendur í Styrkleikunum. Þá er kveikt á kertum sem eru sett í hvíta poka og á pokana má sjá hjartnæm skilaboð til ástvina sem hafa glímt við krabbamein, til ástvina sem hafa jafnvel fallið frá eftir krabbamein og auðvitað allra aðstandenda og heilbrigðisstarfsmanna. „Það er einstök stund og á margan hátt hápunktur viðburðarins. Þar finnurðu samstöðu og samkennd sem fyrirfinnst hvergi annars staðar.“

Eva leitar nú að sjálfboðaliðum og þátttakendum á Suðurlandi og víðar. Krabbameinsfélag Árnessýslu er lykilsamstarfsaðili í skipulagningu viðburðarins og ætlar félagið að standa fyrir kynningarfundi í húsakynnum sínum við Eyrarveg 31, miðvikudagskvöldið 30. júní kl. 17. Þar verður heitt á könnunni og eru allir Sunnlendingar sérstaklega velkomnir. „Já og bara allir,“ segir Eva. „Okkur fannst Selfoss vera kjörinn staður fyrir Styrkleikana og við erum himinlifandi að bæjarfélagið hafi tekið okkur opnum örmum.“

Á www.styrkleikarnir.is má finna nánari upplýsingar.


Fleiri nýjar fréttir

19. ágú. 2022 : Enn styrkist þekkingargrunnurinn sem undirstrikar mikilvægi forvarna gegn krabbameinum

Niðurstöður nýrrar rannsóknar sem birtust í Lancet tímaritinu í vikunni benda til þess að í næstum helmingi tilfella dauðsfalla af völdum krabbameina megi rekja orsök meinanna til áhættuþátta sem koma mætti í veg fyrir. Á meðal þessara áhættuþátta eru þeir þrír helstu tóbaksreykingar, áfengisneysla og of mikil líkamsþyngd.

Lesa meira
Gunnar Ármannsson hlaupari

18. ágú. 2022 : Heilsufarsávinningur fyrir þig og leið til að styðja góð málefni - það gerist varla betra!

Í gegnum áratugina hefur Reykjavíkurmaraþonið verið hvati margra til að fara að stunda regluleg hlaup og göngur sem er sannarlega frábært því að þeir sem stunda reglulega hreyfingu draga úr líkum á krabbameinum og fjölda annarra sjúkdóma.

Lesa meira

10. ágú. 2022 : Meðvera ný samskiptagátt bætir þjónustu við krabbameinssjúklinga

Krabbameinsfélagið er afar stolt af því að hafa átt þátt í að koma þessu þarfa verkefni á laggirnar. Það var brýnt að finna nýjar og nútímalegri leiðir til að tryggja og efla samskipti milli fagfólks og þeirra sem eru í krabbameinsmeðferð.

Lesa meira

9. ágú. 2022 : Embætti landlæknis og Krabbameinsfélagið endurnýja þjónustusamning um Krabbameinsskrá

Halla Þorvaldsdóttir, framkvæmdastjóri Krabbameinsfélagsins segir það mikið ánægjuefni að gengið hafi verið frá áframhaldandi samkomulagi um rekstur skrárinnar sem hefur verið starfrækt hjá félaginu af mikilli fagmennsku í nærri 70 ár. Það er trú okkar að með því að hún sé hluti af Rannsókna- og skráningarsetri félagsins séu bæði gæði og hagnýting skrárinnar sem best tryggð“ segir Halla.

Lesa meira

12. júl. 2022 : Slökkviliðsstörf eru krabbameinsvaldandi

Alþjóðlega krabbameinsrannsóknarstofnunin (IARC), hefur breytt hættu­flokk­un starfs slökkviliðsmanna í staðfest krabba­meinsvald­andi varðandi krabbamein í fleiðru og krabbamein í þvagblöðru.

Lesa meira

Var efnið hjálplegt?