Tryggðu þér miða á Opnunarviðburð Bleiku slaufunnar
Það styttist mjög í Bleikan október og undirbúningurinn í fullum gangi. Opnunarviðburður Bleiku slaufunnar er kominn í sölu. Bleikaslaufan.is er að gera sig klára til að taka vel á móti ykkur, Bleika slaufan sem í ár er hönnuð af Orrifinn Skartgripir er komin í hús og toppar sig enn á ný og er geggjuð!
Salan á Bleiku slaufunni hefst á Opnunarviðburði Bleiku slaufunnar sem verður fimmtudaginn 29. september í Háskólabíói og er sala á viðburðinn hafin.
Á opnunarviðburðinum verður sérstök forsýning á kvikmyndinni „Mrs. Harris goes to Paris":
,,Mrs. Harris goes to Paris“
Húsið opnar kl. 19:00 með bleikri stemmingu í andyri þar sem samstarfsaðilar kynna og selja bleikar vörur til styrktar átakinu. Klukkan 20:00 er stutt opnunar- og kynningardagskrá átaksins auk þess sem auglýsing Bleiku slaufunnar verður frumsýnd. Aðgangseyrir er kr. 4.500. Innifalið er miði á sýninguna og Bleika slaufan 2022.
Fjölmörg fyrirtæki hafa þegar skráð sig sem samstarfsaðila Bleiku slaufunnar og verður hægt að nálgast allar upplýsingar um þær vörur og þjónustu sem þeir bjóða á bleikaslaufan.is á allra næstu dögum.
Bleiki dagurinn verður föstudaginn 14. október og hvetjum við alla til að byrja að huga að því að undirbúa eitthvað skemmtilegt í tilefni Bleika dagsins.