Tölfræði um krabbameinsskimun í brjóstum aðgengileg almenningi
-
Rún Friðriksdóttir og Olgeir Óskarsson gæðastjórar gagnagrunna
Leitarstöð Krabbameinsfélags Íslands hefur nú birt hluta af gæða- og árangursvísum krabbameinsskimunar á heimasíðu félagsins, krabb.is.
Tölfræðilegar upplýsingar um þátttöku, endurinnkallanir, geislamælingar og fleira tengt krabbameinsskimun í brjóstum er nú aðgengilegt almenningi. Með haustinu verða sambærilegar upplýsingar um leghálsleit einnig birtar á heimasíðu félagsins.
Þessar tölfræðilegu upplýsingar um gæðamælikvarða á skimun og greiningu brjósta- og leghálskrabbameina, eru samkvæmt evrópskum viðmiðunarreglum (EUREF).