Guðmundur Pálsson 26. okt. 2018

Þrjú­þúsund­þrjúhundruð­þrjátíu­og­sex - heppinn vinkonu­hópur dreginn úr í beinni kl. 11:00 í dag

Verður þinn hópur dreginn út úr 3.336 vinkonuhópum sem hafa skráð sig til leiks og ætla að bæta þátttöku sinna kvenna í skimun fyrir krabbameinum?

Í Bleiku slaufunni í ár tók Krabbameinsfélagið höndum saman við vinkonuhópa með það að markmiði að bæta þátttöku kvenna í skimun fyrir krabbameinum. Margir vinkonuhópar halda saman svo áratugum skiptir í gegnum súrt og sætt og veita ómetanlegan stuðning og hvatningu þegar á þarf að halda.

Samstöðukraftur kvenna er magnaður. Það sýnir þátttaka vinkonuhópa í verkefni Krabbameinsfélagsins sem felst í því að hvetja vinkonuhópa til að skrá hópinn sinn og fá í staðinn hagnýtan fróðleik og reglulega hvatningu til að minna á þátttöku í skimun.

Nú hafa rúmlega 3.300 vinkonuhópar skráð sig í verkefnið!

Bleikur ferðavinningur frá Heimsferðum í beinni

Verkefnið er dyggilega stutt af Heimsferðum sem lagði sitt af mörkum til að hvetja vinkonuhópana til dáða með því að gefa ferðavinning að upphæð kr. 300.000 og er þeim sérstaklega þakkaður stuðningurinn.

Í dag, föstudaginn 26. október kl. 11:00 munum við draga út einn vinkonuhópinn sem hlýtur ferðavinninginn góða. Útdrátturinn fer fram í beinni útsendingu á Facebook-síðu Bleiku slaufunnar.

Um leið og við þökkum þeim þúsundum kvenna sem þegar hafa tekið þátt í verkefninu fyrir frábæra þátttöku viljum við hvetja þá hópa sem enn eiga eftir að skrá sig til að gera það og vera með. 

Munum að bætt þátttaka kvenna í skimun fyrir krabbameinum er til góðs. 


Fleiri nýjar fréttir

18. des. 2019 : Jóladagatal Krabbameinsfélagsins: Svefn og krabbamein

Gera má ráð fyrir að lítill svefnfriður hafi verið á heimilum landsmanna í nótt þegar Hurðaskellir kom til byggða. Um fjórðungur fullorðinna Íslendinga og 75% ungmenna sofa of lítið. En eru einhver tengsl milli svefnleysis og krabbameins? Í jóladagatali Krabbameinsfélagsins eru venjur íslensku jólasveinanna skoðaðar með nýstárlegum hætti.

Lesa meira

10. des. 2019 : Starfsemi yfir jólin

Hefðbundin starfsemi verður yfir jólahátíðina hjá Leitarstöð Krabbameinsfélagsins, Ráðgjafarþjónustu og á skrifstofum félagsins.

Lesa meira
Óveður

10. des. 2019 : Starfsemi riðlast vegna veðurs

Leitarstöð Krabbameinsfélagsins lokar í dag kl 14:15 vegna veðurs og starfsemi Ráðgjafarþjónustunnar fellur niður eftir hádegi.

Lesa meira

5. des. 2019 : Hvernig nennirðu þessu?

Í dag er alþjóðadagur sjálfboðaliða og Árni Einarsson formaður Krabbameinsfélags höfuðborgarsvæðisins skrifar:

Lesa meira

4. des. 2019 : Stuðningur við fagaðila sem vinna með börn eftir foreldramissi

Krabbameinsfélagið undirbýr nú opnun fræðslu- stuðnings- og handleiðslumiðstöðvar sem ætluð er fagaðilum sem vinna í nærumhverfi barna sem misst hafa foreldri. Samkvæmt gögnum frá Hagstofu Íslands má gera ráð fyrir að um 100 börn missi foreldri ár hvert.

Lesa meira

Var efnið hjálplegt?