Ása Sigríður Þórisdóttir 5. des. 2022

Takk sjálfboðaliðar!

Í dag, á alþjóðlegum degi sjálfboðaliða, vill Krabbameinsfélagið þakka öllum þeim sem lagt hafa málefnum félagsins lið með því að gefa tíma sinn og orku. Á myndinni sjáum við hluta þeirra starfsmanna Íslandsbanka sem veittu félaginu ómetanlega aðstoð í Bleiku slaufunni í ár. 

Markmið Krabbameinsfélagsins eru að fækka þeim sem greinast með krabbamein, fjölga þeim sem lifa af og bæta líf þeirra sem fá krabbamein og aðstandenda þeirra.

Sjálfboðaliðar eiga mikilvæga hlutdeild í starfsemi félagsins.

Aðildarfélög Krabbameinsfélagsins eru 26 talsins og eru með starfsemi víða um landið. Þeim er stjórnað af sjálfboðaliðum sem sinna flestöllu starfi félaganna, þar á meðal að veita jafningjastuðning og sinna fræðslustörfum auk þess að skipuleggja viðburði og námskeið í sínum heimabæ fyrir þá sem greinst hafa með krabbamein og aðstandendur þeirra.

Í Reykjavík er starfandi akstursþjónusta þar sem sjálfboðaliðar aðstoða einstaklinga sem eiga erfitt með ferðir í tengslum við krabbameinsmeðferð eða rannsóknir.

Án sjálfboðaliða Krabbameinsfélaganna á landsbyggðinni gæti félagið ekki staðið við bakið á eins mörgum sem þurfa að takast á við krabbamein.

  • Á myndinni sjáum við hluta þeirra starfsmanna Íslandsbanka sem veittu félaginu ómetanlega aðstoð í Bleiku slaufunni í ár.

Stuðningsnetið

Það getur verið hjálplegt að ræða við einhvern sem hefur gengið í gegnum svipaða reynslu og þú og hefur þann skilning sem einungis fæst með því að upplifa hlutina sjálfur.

Í Stuðningsneti Krabbameinsfélagsins og Krafts býðst jafningjastuðningur frá sjálfboðaliðum, fólki sem greinst hefur með krabbamein eða eru aðstandendur.

Styrkleikar Krabbameinsfélagsins

Styrkleikar Krabbameinsfélagsins voru haldnir í fyrsta skipti á árinu þar sem hópur sjálfboðaliða stóð að baki viðburðinum og sá til þess að þátttakendur og gestir ættu einstaka upplifun í heilan sólarhring.

Takk kæru sjálfboðaliðar fyrir ykkar framlag - það skiptir svo sannarlega máli! 




Fleiri nýjar fréttir

Sol-og-solarvarnir-frettabref-1-

17. maí 2024 : Fréttabréf maí mánaðar

Sólin er umræðuefni fréttabréfs maí mánaðar. Við tökum fyrir sólarvarnir og hve miklu máli þær skipta fyrir alla, þó sérstaklega börnin. Þá ræðum við húðkrabbamein sem og ráð fyrir þau sem eru með krabbamein í sumarfríinu.

Lesa meira

16. maí 2024 : Styrkir til gæða­verkefna og vísinda­rannsókna í heil­brigðis­þjónustu

Auglýst er eftir umsóknum um styrki í Minningarsjóð um hjónin Bergþóru Magnúsdóttur og Jakob Júlíus Bjarnason.

Lesa meira

8. maí 2024 : Málþing: Stöðluð greiningar- og meðferðarferli, allt frá því að grunur vaknar um krabbamein

Myndi innleiðing slíkra ferla hér á landi hjálpa til við að takast á við þær áskoranir sem fylgja krabbameinum í framtíðinni? 

Lesa meira

7. maí 2024 : „Kíkjugataaðgerð“ við lungnakrabbameini styttir legutíma um helming

Vísindasjóður Krabbameinsfélags Íslands styrkti rannsóknina. Árangur blaðnámsaðgerða með aðstoð brjóstholssjár við lungnakrabbameini. Niðurstöðurnar sýna að á ekki stærra sjúkrahúsi en Landspítala er hægt er að taka upp tæknilega flókna skurðaðgerð án þess að slegið sé af kröfum um öryggi. Þannig lifðu allir sjúklingarnir aðgerðina af en færri fylgikvillar og minni verkir styttu legutíma um helming. 

Lesa meira

24. apr. 2024 : Fundarboð: Aðal­fundur Krabba­meins­félagsins

Hér með er boðað til aðalfundar Krabbameinsfélagsins sem fer fram laugardaginn 25. maí kl. 13 í húsnæði félagsins að Skógarhlíð 8, Reykjavík.

Lesa meira

Var efnið hjálplegt?