Guðmundur Pálsson 8. apr. 2022

Stuðningur við fólk með krabba­mein í Úkraínu

Stjórn Krabbameinsfélags Íslands ákvað á fundi sínum þann 15. mars að styðja samstöðusjóð UICC (Union for International Cancer Control) með 1.500.000 kr. framlagi. Sjóðurinn var stofnaður til að styðja við krabbameinsfélög í Úkraínu og nágrannalöndum, sem vinna með krabbameinssjúklingum og fjölskyldum þeirra. 

Aðstæður eins og blasa nú við í Úkraínu koma sérstaklega illa við fólk með krabbamein og fjölskyldur þeirra. „Fólk með krabbamein getur þurft að flýja heimaland sitt, án þess að vita hvert, líkt og aðrir, það er í raun óhugsandi og lætur engan ósnortinn“ segir Valgerður Sigurðardóttir, formaður Krabbameinsfélagsins. „Stofnun sjóðsins gefur einstakt tækifæri til að styðja við fólk í mjög erfiðri stöðu“, segir Valgerður.

Sjóðnum er ætlað að styrkja krabbameinsfélög í Úkraínu og nágrannalöndunum til að takast á við þá stöðu sem margir krabbameinssjúklingar í Úkraínu standa frammi fyrir vegna stríðsins.

Sjóðurinn mun meðal annars nýtast til að:

  • Hjálpa til við rekstur krabbameinsfélaganna
  • Kosta lyf og búnað
  • Byggja upp eftir eyðileggingu
  • Greiða kostnað vegna flutnings á sjúklingum
  • Greiða kostnað við flutning sérfræðinga frá öðrum löndum inn á svæðið
  • Styðja við heilbrigðisstarfsfólk sem veitir meðferð og umönnun á svæðinu
  • Styðja við fólk sem stundar krabbameinsrannsóknir á svæðinu.

Umsýsla með sjóðinn verður hjá UICC í Sviss, í samræmi við lög og reglur þar í landi.

Gætt verður að því að vanda til verka varðandi úthlutanir úr sjóðnum, sem lýtur sjálfstæðri stjórn. Stjórnin tekur ákvarðanir um styrki úr sjóðnum og samanstendur hún af fulltrúum aðildarfélaga UICC, sérfræðingum í málefnum Úkraínu og nágrannalanda og framkvæmdastjóra UICC.

Skýrslu um starfsemi sjóðsins verða birtar í september og febrúar meðan hann verður starfræktur.

Þetta er í fyrsta sinn sem Krabbameinsfélagið veitir styrk af þessu tagi og fylgir í fótspor systurfélaganna á hinum Norðurlöndunum.

„Sem betur fer erum við aflögufær og getum eins og krabbameinsfélögin í kringum okkur lagt samstöðusjóði UICC lið. Styrkurinn kemur ekki til með að hafa áhrif á starf félagsins hér á landi en kemur vonandi að góðu gagni“ segir Halla Þorvaldsdóttir, framkvæmdastjóri félagsins. 


Fleiri nýjar fréttir

23. jan. 2023 : Vilt þú taka þátt í undir­búningi Styrk­leik­anna?

Styrkleikarnir verða haldnir í annað sinn á Selfossi laugardaginn 29. apríl til sunnudagsins 30. apríl. Styrkleikarnir snúast um að styðja við, heiðra eða minnast þeirra sem hafa fengið krabbamein.

Lesa meira

5. jan. 2023 : Laust starf: Viltu hafa áhrif til góðs?

Til að ná enn meiri árangri í starfi félagsins viljum við fjölga í öflugu teymi sérfræðinga okkar og efla kynningar- og fræðslustarf félagsins enn frekar og auglýsum eftir sérfræðingi í miðlun. Við leitum að metnaðarfullum, drífandi og sjálfstæðum einstaklingi sem brennur fyrir að ná árangri í starfi, fólkinu í landinu til heilla.

Lesa meira

5. jan. 2023 : Er ekki langt síðan þú fórst í vísindaferð? Nú er komið að því!

Krabbameinsfélagið býður heilbrigðisstarfsfólki í vísindaferð, fimmtudaginn 12. janúar kl. 16:30 – 18:00 í húsi félagsins í Skógarhlíð 8.  

Lesa meira

3. jan. 2023 : Reyklaust nýtt ár

Innan Krabbameinsfélagsins er áratuga reynsla af stuðningi við fólk sem vill hætta að reykja. Hægt er að bóka ókeypis samtal við sérfræðinga í reykbindindi, bæði á íslensku, pólsku og ensku. 

Lesa meira

3. jan. 2023 : Bláa Lónið styrkir Vísinda­sjóð Krabba­meins­fé­lagsins

Í ár studdi Bláa Lónið Krabbameinsfélagið með þátttöku í átaksverkefnunum Mottumars og Bleiku slaufunni. Líkt og fyrri ár rann hluti af sölu sturtugels Bláa Lónsins í mars og varasalvans í október, til Vísindasjóðs Krabbameinsfélagsins.

Lesa meira

Var efnið hjálplegt?