Sigriður Sólan Guðlaugsdóttir 27. feb. 2019

Starfið á Akureyri fær öflugan meðbyr

  • Samstarf KÍ og KAON

Krabbameinsfélag Íslands og KAON hafa gert með sér samkomulag um samstarf.

Nýlega var gengið frá samstarfssamningi Krabbameinsfélags Íslands og Krabbameinsfélags Akureyrar og nágrennis (KAON). Samningurinn tryggir faglegan og fjárhagslegan grundvöll þjónustuskrifstofu félagsins á Akureyri þar sem starfsemin hefur vaxið og dafnað undanfarin misseri. 

Í samstarfinu felst að Krabbameinsfélagið greiðir kostnað við eitt og hálft stöðugildi tveggja heilbrigðisstarfsmanna sem starfa við ráðgjöf hjá KAON en það er aukning á stuðningi þeim sem veittur hefur verið til reksturs KAON.

 

Sá stöðugleiki sem framlög Velunnara skapa eru forsenda þess að félagið geti stofnað til langtímaskuldbindinga við framfaraverkefni.

„Við fögnum þessum merkilegu tímamótum og samstarfinu á milli landshluta. Þetta er framfararskref og kemur til með að efla starfið okkar enn frekar. Með samningnum verður meiri festa í starfseminni og við starfsfólkið fáum vind í seglin,“ segir Halldóra Björg Sævarsdóttir, framkvæmdastjóri KAON.


Fleiri nýjar fréttir

23. jan. 2023 : Vilt þú taka þátt í undir­búningi Styrk­leik­anna?

Styrkleikarnir verða haldnir í annað sinn á Selfossi laugardaginn 29. apríl til sunnudagsins 30. apríl. Styrkleikarnir snúast um að styðja við, heiðra eða minnast þeirra sem hafa fengið krabbamein.

Lesa meira

5. jan. 2023 : Laust starf: Viltu hafa áhrif til góðs?

Til að ná enn meiri árangri í starfi félagsins viljum við fjölga í öflugu teymi sérfræðinga okkar og efla kynningar- og fræðslustarf félagsins enn frekar og auglýsum eftir sérfræðingi í miðlun. Við leitum að metnaðarfullum, drífandi og sjálfstæðum einstaklingi sem brennur fyrir að ná árangri í starfi, fólkinu í landinu til heilla.

Lesa meira

5. jan. 2023 : Er ekki langt síðan þú fórst í vísindaferð? Nú er komið að því!

Krabbameinsfélagið býður heilbrigðisstarfsfólki í vísindaferð, fimmtudaginn 12. janúar kl. 16:30 – 18:00 í húsi félagsins í Skógarhlíð 8.  

Lesa meira

3. jan. 2023 : Reyklaust nýtt ár

Innan Krabbameinsfélagsins er áratuga reynsla af stuðningi við fólk sem vill hætta að reykja. Hægt er að bóka ókeypis samtal við sérfræðinga í reykbindindi, bæði á íslensku, pólsku og ensku. 

Lesa meira

3. jan. 2023 : Bláa Lónið styrkir Vísinda­sjóð Krabba­meins­fé­lagsins

Í ár studdi Bláa Lónið Krabbameinsfélagið með þátttöku í átaksverkefnunum Mottumars og Bleiku slaufunni. Líkt og fyrri ár rann hluti af sölu sturtugels Bláa Lónsins í mars og varasalvans í október, til Vísindasjóðs Krabbameinsfélagsins.

Lesa meira

Var efnið hjálplegt?